Markus 2:16 - En Taar Weru a nunuwu' é Tontemboan

¹⁶ An tutuw itu, awéan ka'i sé makailek wutul in Torat ang golongan Farisi isuméré si Yesus makan mewali-wali wo sé matagi im pajak wo sé tou iméma' ing kamesé-meséaan. Wo wuéien éra a sé murit i Yesus, “Kéitu Sia makan mewali-wali wo sé matagi im pajak wo sé tou iméma' ing kamesé-meséaan?”

Markus 2:16 ပူးပေါင်းရင်းမြစ်များ

Matius 18:17

Taan sa sia ra'ica kiim luminga in sina'u éra, mangéo icua a sé jamaat em perkarana itu. Wo sa ra'ica linganna ka'i en sina'u é jamaat, anggapeno mio' sia tou ra'ica makatuus si Amang Kasuruan, kuma'pa sé matagi im pajak mengauwak sé tou.

Matius 5:46

Anaé, sa kamu asalo mengaupus sé tou mengaupus icamu, sapa réén en laasa miow? Ra'ica réén sé mengatagi im pajak mengaéma' ka'i in taniitu?

Matius 9:11

An tutuw é tou Farisi suméré si Yesus makan ang karapi é tou itu, icua éra a sé murit i Yesus, “Kéitu si Guru miow makan ang karapi é matagi im pajak wo sé tou méma' ing kamesé-meséaan itu?”

Markus 2:15

Kekawus in itu si Yesus kuman am balé i Lewi. Am bitu kelian sé matagi im pajak wo sé tou iméma' ing kamesé-meséaan mekiit icuman mewali-wali wo si Yesus wo sé murit-Na, ampa'paan kelian tou sé makii-kiit Sia.

Markus 2:7

“Kéitu réén si Tou anio' numuwu' tanu siitu? Sia maojato si Amang Kasuruan. Si séi réén e ro'na méé kaampungan ing kamesé-meséaan é tou aluar si Amang Kasuruan?”

Lukas 18:11

Si tou Farisi itu tumulung tumané mangé wo sumombayang an untep in até tana'i: ‘O Amang Kasuruan, yaku kumua i makapulu'sama' a si Amang Kasuruan, ampa'paan aku ra'ica mepute wo sé tou walina. Yaku ra'ica maandét, yaku ra'ica mengaéma' in léwo' wo ra'ica mengaéma' in sina. Yaku ka'i ra'ica tanu si matagi im pajak itu.

Lukas 19:10

Ampa'paan si Toyaang i Tou mai e mangéré sé tou itumayango asi Amang Kasuruan wo lumowir iséra an ukuman ing kamesé-meséaan.”

Lukas 19:7

Taan pakasa é tou sé makaséré in itu mengimbu-ngimbulu. Icua éra, “Sia lumosér oka am balé i tou ang kamesé-meséaan!”

Lukas 5:30

Keséré in itu, sé tou Farisi wo sé makailek wutul in Torat menge'bo-nge'bow a sé murit i Yesus wo icua éra, “Kéitu réén kamu kuman wo melep mewali-wali ang karapi é matagi im pajak wo sé tou iméma' ing kamesé-meséaan?”

Kisah Para Rasul 23:9

Ampa'paano in itu, en am bitu malicokoo. Wo piraan sé makailek wutul in Torat asé golongan Farisi mai an dior wo méla si Paulus. Icua éra, “Sa kumiit icami, si tou anio' ra'ica isuméa'! Séi si makailek awéan roh kuma'pa malaékat imai wo rumoma' ai sia?”

1 Korintus 2:15

Si tou makaanu i Roh i Amang Kasuruan, sia makawoo numilai in sapa-sapake', taan ra'ica wana mandé esake' tou e ro'na numilai sia.

Ibrani 12:3

Pena'né-na'néien angé si Yesus, si le'tek muléng ing kawenduan uter an tutuw Sia paokoien é tou ang kamesé-meséaan. Wo in taniitu kamu ra'ica mateké' en até wo ra'ica katalaan im paarapen.