Markus 2:1 - En Taar Weru a nunuwu' é Tontemboan

¹ An tutuw lumangkoio piraan ngando, si Yesus maréng sumawel ang Kapernaum. Wo icaseraro en abar sapaoka Sia am balé.

Markus 2:1 ပူးပေါင်းရင်းမြစ်များ

Matius 4:13

Wo itela'u-Na e Nazaret wo mento' ang Kapernaum, an tembir in lour Galilea an sangkum in Zebulon wo Naftali.

Matius 9:1

Kekawus in itu, si Yesus wo sé murit-Na sumaké an londéi en lumewet maangé an lewet in lour. Wo icateka'o Sia an doong-Na in esa.

Markus 1:45

Taan mangéke' taré ipenisi-nisil i tou itu am bisa-wisa sapa e imamuali ai sia, akar si Yesus ra'io toro ka'i mapaturu-turu' in owak an untep ing kota. Sia asalo oka maento' an tampa-tampa lulu in tou ang kesot ing kota. Mandé ka'i in taniitu, sé tou am bisa-wisa menga-ngaike' a si Yesus.

Markus 2:2

Ampa'paan in ituo kumeli-keli tou mali'us akar ra'io ka'i wana tampa am bitu, akar an dior im papalen imawutao é tou. Wo si Yesus kumua in Taar i Amang Kasuruan ai séra.

Markus 3:20

Kekawus in itu, si Yesus muntep an esa walé. Am bitu ka'i keli en tou mai mali'us, akar Sia wo sé murit-Na ra'io wana ka'i témpo eng kuman.

Markus 7:17

An tutuw i Yesus muntep an esa walé en tumayang asé tou keli, sé murit-Na mamuéi ai Sia andumoro' ing kaangéan in andéan itu.

Markus 7:24

Wo itela'u i Yesus en tampa itu wo mangé an sangkum in Tirus. Icateka' mangé am bitu Sia muntep an esa walé, wo ra'ica kiim-Na esaanke' tou e makailek sa Sia am bitu. Taan eng keai-Na am bitu kinailekanke' é tou.

Markus 9:28

Kekawus in itu, si Yesus wo sé murit-Na muntep an esa walé. An tutuw wayaoka si Yesus wo sé murit-Na en am bitu wo séra mamuéi ai Sia, “Kéitu réén ra'ica kawooan ami musér si roh léwo' itu?”

Lukas 4:23

Wo icua i Yesus ai séra, “Tantu icua oka miow a Yaku si andéan anio', ‘Éi dokter, samaano mio' en owak-Mu in esa.’ Icua miow in taniitu ampa'paan liningao miow sapaoka Aku iméma'o ing kakaya'kaan ang kota Kapernaum wo en itu musti émaan-Ku ka'i an doong-Ku in esa.”

Lukas 5:18

Asi témpo itu, paalinai é tou a si Yesus si esa tou késo' aitekel am patekelan. Séra rumaméji maali si tou késo' itu an untep im balé wo iweta' an dior i Yesus.

Yohanes 4:47

An tutuw lininganna si Yesus si an Yudea owo wo icateka'o mai ang Galilea, wo sia mangé a si Yesus ang kota Kana wo mekiupus sa woo si Yesus maai ang Kapernaum en sumama' si toyaangna sumakit wo tawio maté.

Kisah Para Rasul 2:6

Séra ka'i luminga in suara itu, anaé séra mai mali'us asi tampa itu. Séra mangaya'ka' ampa'paan palingan éra e nunuwu' éra si esa wo si esa, papakén é tou maéman itu.