Markus 16:9 - En Taar Weru a nunuwu' é Tontemboan

⁹ Asi endo kataré an duminggu itu i mamoondo keli tutuw i Yesus tumou sumawel, kataré-taré Sia mangé mapaturu' in owak-Na a si Maria tou Magdala. Si Yesus sumangkumo musér sé pitu sétang kumesot ai sia.

Markus 16:9 ပူးပေါင်းရင်းမြစ်များ

Matius 27:56

An uner éra awéan si Maria Magdalena, Maria inang i Yakobus wo si Yusuf, wo ka'i penanaan i Zebedeus.

Markus 15:40

Asi témpo itu ka'i awéan piraan wéwéné sé makaséré an tayang an tutuw i Yesus aisalip. Séra itu si Maria tou Magdala, si Maria inang i Yakobus wo'bas wo si Yoses, wo ka'i si Salome.

Markus 15:47

Ang karoro'an in itu, winéano rékén i Maria Magdalena wo si Maria inang i Yoses en tampa kinuburan si Yesus.

Markus 16:8

Kekawus ako in itu, séra makala'us kumesot ang kubur itu wo tumincas ampa'paan maindé'o keli wo mangaya-ngaya'ka'. Wo séra ra'ica kumua in sapa-sapa a sé tou ampa'paan séra maindé'o. [Wo icua éra ang karapi in da'ica lambot pakasa en taar itu a si Petrus wo sé kara-karapina. Kumawus itu, ampa'paan in taar i Yesus in esa a sé murit-murit-Na, wo mangé icua éra waya en taar-Na itu am pakasa ing kayo'baan tumo'tol a micona akar an tempok ako. En abar itu le'nas wo ra'ica kawisa maka'pu, siituo en abar andumoro' ing kalowiran akar ing kauré-uré.]

Lukas 24:10

Sé wéwéné itu si Maria tou Magdala, si Yohana, si Maria inang i Yakobus wo ka'i sé wéwéné walina sé mewali-wali wo iséra. Séra im bayao eng kumua ing kinamamualian itu a sé murit i Yesus sé patuulen ruru'du'an.

Lukas 8:2

Taniitu ka'i sé piraan wéwéné sé sumangkumo sinama'-Na asé roh léwo' wo in sakit, icumiit ka'i si Yesus. Esaan ai séra awéan si makangaran Maria tou Magdala si sinama'-Nao asé pitu roh léwo'.

Yohanes 20:12

Sérénna awéan rua malaékat sé mekarai ing kulo', makalukut asi tampa winetaan owo i mayat i Yesus. Si esa an duru in do'kos wo si esa an duru ing kécéi.

Kisah Para Rasul 20:7

Asi endo kataré in duminggu itu, cami wo sé tou maéman walina mai mali'us mewali-wali e méma' im perjamuan. Am bitu si Paulus uré-uréan manuwu' a sé tou maéman akar ing katoora im bengi, ampa'paan asi mando mai sia suméngkot.

1 Korintus 16:2

Susur in ari Duminggu, kamu si esa wo si esa mengatané mio' roit kiit eng kinéréan i esa wo si esa. Wo yéma' miow sé roit itu wosama' an tutuw aku mai, kamu ra'io sangali ka'i lumi'us roit.

Wahyu 1:10

Asi endo ipasombayang, yaku kinawasa i Roh i Casuruan wo palinganku an somoiku awéan manuwu' in taangko' keli, tanu in téngéna in terompét.