Markus 14:2 - En Taar Weru a nunuwu' é Tontemboan

² Taan séra mengkuanan, “Tioo tumangka' Sia asi endo wangko' Paska, wosama' sé tou ra'ica méma' ing kalicokoan.”

Markus 14:2 ပူးပေါင်းရင်းမြစ်များ

Matius 26:2

“Kailekan iow, en endo wangko' Paska waya oka i rua ngando wo si Toyaang i Tou isarakan oka in salipen.”

Matius 26:5

Taan séra mengkuanan,“Tioo tumangka' Sia asi endo wangko' Paska, wosama' sé tou ra'ica méma' ing kalicokoan.”

Markus 11:18

An tutuw é kikiiten é imam wo sé makailek wutul in Torat luminga andumoro' ing kamamualian itu, séra rumaméji maté Sia. Taan icaindé' éra Sia ampa'paan en sususuien-Na iméma' pakasa sé tou mangaya-ngaya'ka'.

Markus 11:32

Taan ra'ica wona' mamuali sa icuata, ‘Asé tou owo’. Caindé' éra sé tou keli itu ampa'paan paanggapen éra sapaoka si Yohanes itu wutu-wutul esa nabi.”

Markus 14:1

Rua ngandopé' sé tou Yahudi méma' in endo wangko' Paska wo in endo wangko' Roti Ra'ica Rinagian. Sé kikiiten é imam wo sé makailek wutul in Torat maéré-éré lalan en tumangka' si Yesus ang karapi i maene-enep e maté Sia.

Markus 14:3

An tutuw i Yesus am Betania, am balé i Simon si sumangkumo sinakitan ing kusta wo ang karoro'an-Na imakalukut i makan, mai ai Sia si esa wéwéné maali-ali im botel marmer pinumpunan in solo mawou manam si sosor keli em bééna. Wo wetéén i wéwéné itu eng kekelewna, wo inaamna en solo itu an do'kos i Yesus.

Lukas 20:6

Taan sa icuata asé tou owo, tantu kita wangkilen é tou im batu, ampa'paan percayan éra sapaoka si Yohanes itu esa nabi.”

Lukas 22:1

En endo wangko' Roti Ra'ica Rinagian si patuulen ka'i Paska, makatawio.

Yohanes 12:19

Wo sé tou Farisi mengkuanan si esa wo sé walina, “Kita ra'ica toro méma' sapa-sapa! Sérén, icumelio sé tou mengakiit Sia.”

Yohanes 7:40

Keli en tou makalinga i nunuwu' i Yesus, wo an uner éra awéan e makua, “Sia anio' wutu-wutul nabi si paento-entoonta.”