Markus 11:4 - En Taar Weru a nunuwu' é Tontemboan

⁴ Wo séra mangé wo kaséréan éra si esa keledai wo'bas ipakawa'kes an tembir in lalan an dior im papalen im balé. Wo wukaan éra si celedai itu.

Markus 11:4 ပူးပေါင်းရင်းမြစ်များ

Matius 21:2

Icua-Na ai séra, “Mangém kamu asi roong an dior itu. Am bitu kaséréan iow oka esa keledai siwéi en talina ipakawa'kes wo an duru i celedai siwéi itu awéan si ana'na. Wukaano mio' en talina wo paalino mai a Yaku.

Matius 26:19

Wo émaan é murit-Na tanu si airu'du'-Na ai séra. Wo tu'tulen éra eng kakanen Paska itu.

Markus 11:3

Wo sa awéan tou mamuéi, ‘Kéitu réén pawukaan iow en tali i celedai itu?’, sowateno mio' in tana'i, ‘Paperlun i Tuang ami, wo makala'- us oka iwaréng-Na mai sumawel am bia'i.’ ”

Markus 11:5

Wo sé tou makatulung am bitu tumegor iséra, “Éi! Sapa em paémaan iow? Kéitu réén wekar iow si celedai itu?”

Yohanes 2:5

Taan icua i inang-Na a sé tou sé mengaselewir am pésta itu, “Émaano mangé sapa si aicua i Yesus ai camu.”

Ibrani 11:8

Ampa'paan si Abraham awéan paémanen, kiniitanna si Amang Kasuruan an tutuw sia tinowa wo airu'du' mangé asi esa tampa si mamuali oka bagéanna. Wo sia mangé mandé ra'ica kailekanna am bisa en tampa angéanna.