Markus 10:52 - En Taar Weru a nunuwu' é Tontemboan

⁵² Wo icua Yesus ai sia, “Ampa'paan ko maéman a Yaku, intarépé' ko ro'nao suméré.” Asi témpo ituke', si Bartimeus ro'nao suméré, wo sia kumiit si Yesus.

Markus 10:52 ပူးပေါင်းရင်းမြစ်များ

Matius 11:5

Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.

Matius 12:22

Kekawus in itu, iwali éra mai a si Yesus si esa tou si rinasuk i sétang. Si tou itu wola wo wowo', wo sia samaan i Yesus akar ro'nao maroma' wo maséré.

Matius 15:28

Wo icua i Yesus ai sia. “Éi inang, wangko' em paémanenmu. Mamualio ai co tanu ing kasalé'anmu.” Asi témpo ituke', si toyaangna itu imasama'o.

Matius 21:14

Kumawus in itu, sé tou wola wo sé tou kénto' mai ai Sia ang kintal im Balé Le'nas, wo séra sinama'-Na.

Matius 8:3

Wo yulur i Yesus eng kama-Na e misu' si tou itu wo kumua, “Icasalé'-Ku, masama'o ko.” Asi témpo ituke' imasama'o eng kusta i tou itu.

Matius 9:22

Si Yesus suméléng wo tuméinteng ai sia wo icua-Na, “Ketereno mangé en atému éi toyaang-Ku, em paémanenmu lumowiro ico.” An tutuw ituke' si wéwéné itu imasama'o.

Markus 1:31

Wo si Yesus mangé rumuru a si wéwéné itu, timboien-Na eng kamana, ilukut-Na wo icatalao en sakit paso'na wo selewiranna séra.

Markus 5:34

Wo icua i Yesus a si wéwéné itu, “Éi toyaang-Ku, ampa'paan ko maéman a Yaku, asi oras anio' ko masama'o. Mangém ang karapi in elur, en sakitmu wutu-wutul masama'o!”

Markus 8:25

Iweta' ka'i sumawel i Yesus eng kama-Na am beren i tou itu wo sia uli-ulit maséréo wo imasama'o, akar kaséréanna waya loor.

Lukas 7:50

Taan icua i Yesus a si wéwéné itu, “Ampa'paan ko maéman a Yaku, ico linowiro. Anaé, maya'o mangé ko ang karapi in elur!”

Lukas 9:48

Icua-Na a sé murit-Na, “Si séi en sumungkul si toyaang teké' anio' ang karapi in arui en até ampa'paan makiit Yaku, sia sumungkulo Yaku. Wo si tou isumungkul Yaku, sia isumungkulo si Amang Kasuruan si imutus Yaku. Anaé, si séi si mawerot in owakna tou wawa', siao itu si tou iparangka-rangka'.”

Yohanes 9:32

Tumotolke' mai eng kayo'baan niéma' ra'ipé' mako palingan sa awéano tou en sumama' im beren i tou ketounake' mai wola.

Yohanes 9:39

Wo icua i Yesus, “Yaku mai ang kayo'baan e makim, wosama' si séike' sé ra'ica maséré, ro'nao oka suméré, wo si séike' sé ro'na maséré, sia mawola oka.”

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’