Markus 10:41 - En Taar Weru a nunuwu' é Tontemboan

⁴¹ An tutuw é sangapulu' murit i Yesus luminga im pinangilek i Yakobus wo i Yohanes, wo séra mae'bow.

Markus 10:41 ပူးပေါင်းရင်းမြစ်များ

Matius 20:24

Kelinga in itu wo sé sangapulu' murit-Na mae'bow a sé rua metuari itu.

Markus 10:42

Wo towan i Yesus séra im baya wo icua-Na, “Kailekan iow sa sé kikiiten é bangsa sé ra'ica makatuus si Amang Kasuruan maperénta sé tou éra kumiit ing kasalé'an éra. Wo sé kikiiten pasiri-siriin ka'i mengaokoi a sé tou éra kiit ing kasalé'an éra.

Lukas 22:24

Wo sé murit i Yesus meindo-indoan roma' andumoro' si séi e mangko-wangko' an uner éra.

Lukas 22:25

Wo icua i Yesus ai séra, “Sé kolano é tou ra'ica makatuus si Amang Kasuruan, maperénta sé tou éra makiit ing kasalé'an éra in esa. Mandé in taniitu sé kolano itu, patuulen é tou éra ‘kolano-kolano mengaloindong icami.’

Roma 12:10

Meupu-upusano mangé kamu si esa wo si esa tanu mepoow an esa paémanen. Wo kamu mengarior angé mawéé in siri' a sé tou walina.

Filipi 2:3

Tioo mengaéma' in sapa-sapake' sé asalo mangéré ing katoronaanke' in owak in esa, kuma'pa mengatirayo in owak in esa. Taan ituru'o eng kako'kosan in até asi esa wo si esa wo weroteno mangé sé tou walina en lébé loorai wo in owak in esa.

Yakobus 4:5

Tioo kamu mawerot sapaoka ra'ica wana alasan si aipatic ang Kitap Le'nas tana'i, “E Roh si aiwéé i Amang Kasuruan ai cita, e Roh itu manganat sa kita ra'- ica le'tek a si Casuruan.”