Markus 10:2 - En Taar Weru a nunuwu' é Tontemboan

² Wo mai sé tou Farisi e mangepé' a si Yesus. Wuéien éra ai Sia, “Ro'na réén si tuama icumawéngo cuméré si penanaanna?”

Markus 10:2 ပူးပေါင်းရင်းမြစ်များ

Matius 15:12

Wo mai sé murit-Na e mamuéi ai Sia, “Kailekan réén i Guru, sapaoka e nunuwu' i Guru itu sumakito in até é tou Farisi?”

Matius 16:1

Wo mai sé piraan tou Farisi wo Saduki e mangepé' si Yesus. Pangileken éra wosama' ipapaturu'-Na ai séra esa tuus an sorga owo.

Matius 19:3

Wo mai piraan tou Farisi en tuma'kong Sia. Wuéien éra ai Sia, “Sa kumiit in ukum in agamata, ro'na réén si tuama icumawéngo cuméré si penanaanna maké in alasan sapake' mangé?”

Matius 22:35

Wo awéan esa ai séra si makailek wutul in Torat, mangepé' tuma'kong si Yesus maké im buwuéien.

Matius 23:13

“Icawangkuro mio' kamu sé makailek wutul in Torat wo sé tou Farisi! Kamu anio' tou punek. Ampa'paan pengakalaan iowke' sé tou masalé' muntep ang Kakolanoan in Sorga. Icamu in esa ra'- ica kiim muntep ang Kakolanoan in Sorga, akar pengakalaan iow sé tou masalé' muntep ang Kakolanoan in Sorga. [

Matius 9:34

Taan ipakua é tou Farisi, “Si kikiiten é sétang e méé ing kawasa ai Sia e musér sé sétang.”

Markus 10:1

Asi tampa itu oka wo si Yesus mangé an sangkum in Yudea wo an sangkum in lewet in doyongan Yordan, wo keli ka'i en tou mai mali'us an li'cir-Na. Wo tanu ka'i ing kanaramen-Na mengasusui ai séra.

Markus 10:3

Isowat-Na ai séra, “Sapa réén en aiperénta i Musa ai camu?”

Markus 8:11

Kekawus in itu, imayo sé tou Farisi a si Yesus wo séra tumo'tolo meindo-indoan roma' ang karapi-Na e mangepé' Sia, pangileken éra esa tuus si an sorga owo.

Markus 8:15

Wo ita'néi i Yesus ai séra, “Matéi-téiro wo maténga-téngamo andumoro' i ragi é tou Farisi wo ragi i Herodes.”

Lukas 11:39

Taan icua i Apo' Yesus a si tou Farisi itu, “Kamu sé tou Farisi, ipaturu' miow a sé tou sapaoka kamu mengaéma' in atoran agama miow, taan en até miow imawutao ing kaléwo'an wo mengaandét ing kasiyaan é tou. En itu meputé wo kamu mengawu'as im paelepan wo im pakanan ang kesotnake' taan an untepna kotor keli.

Lukas 16:14

Pakasa sé aicua i Yesus itu, pakalingan é tou Farisi sé masalé-salé'ke' in doit itu. Wo icé'ké' éra Sia.

Lukas 5:30

Keséré in itu, sé tou Farisi wo sé makailek wutul in Torat menge'bo-nge'bow a sé murit i Yesus wo icua éra, “Kéitu réén kamu kuman wo melep mewali-wali ang karapi é matagi im pajak wo sé tou iméma' ing kamesé-meséaan?”

Lukas 6:7

Wo am bitu ka'i awéan sé makailek wutul in Torat wo sé piraan tou Farisi. Séra sé mawere-weren si Yesus sa Sia sumama' in tou an endo Sabat, wosama' séra ro'na méé ing kaséaan ai Sia.

Lukas 7:30

Taan sé tou Farisi wo sé makailek wutul in Torat makélong im pawasa-wasan i Amang Kasuruan ang katouan éra. Sérao sé tou sé ra'ica kiim baptisen i Yohanes Mabaptis.

Yohanes 11:47

Ampa'paan in itu, sé kikiiten é imam wo sé tou Farisi tumowa sé Mahkamah Agama mali'us e mepaar, “Sapa réén e musti émaanta? Ampa'paan, si Tou itu méma'o ing keli kakaya'kaan.

Yohanes 11:57

Séra mengkung-kuanan taniitu, ampa'paan sé kikiiten é imam wo sé tou Farisi imééo perénta sa awéan tou e makailek am bisa si Yesus, mai cua ai séra wosama' Sia ro'na tangkaan éra.

Yohanes 7:32

Kalingaan é tou Farisi, keli tou mengkeng-kewitan andumoro' si Yesus. Ampa'paan in ituo, iru'du' é kikiiten é imam wo sé tou Farisi sé matéir am Balé Le'nas en tumangka' si Yesus.

Yohanes 7:48

Awéan réén esaan asé kikiiten é agama Yahudi kuma'pa tou Farisi si mercaya ai Sia?

Yohanes 8:6

Icua éra in taniitu e mangepé' a si Yesus, wosama' séra ro'na makéré alasan e méé kaséaan ai Sia. Taan si Yesus asalo icumuru wo mapatic in tuturu' ing kama-Na an tana'.

1 Korintus 10:9

Wo kita ka'i tioo mengangepé' a si Kristus, kaputé im pengaémaan é piraan ai séra, akar séra imaté kinarét i ula'.