Markus 10:1 - En Taar Weru a nunuwu' é Tontemboan

¹ Asi tampa itu oka wo si Yesus mangé an sangkum in Yudea wo an sangkum in lewet in doyongan Yordan, wo keli ka'i en tou mai mali'us an li'cir-Na. Wo tanu ka'i ing kanaramen-Na mengasusui ai séra.

Markus 10:1 ပူးပေါင်းရင်းမြစ်များ

Matius 26:55

Wo an tutuw ituke', icua i Yesus a sé tou keli sé mai itumangka' Sia, “Paweroten iow réén Aku anio' tou léwo' akar kamu mai tumangka' Yaku maali-ali in sa'bel wo im papangkur? Susur in endo penéré-nérén iow Aku makalukut masusui am Balé Le'nas, wo ra'ica tinangka' miow Aku.

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Markus 1:21

Si Yesus wo sé tou makiit Sia icateka' mangé ang Kapernaum. Asi endo Sabat, si Yesus muntep am balé paapo'an é agama Yahudi wo Sia sumusui am bitu.

Markus 10:2

Wo mai sé tou Farisi e mangepé' a si Yesus. Wuéien éra ai Sia, “Ro'na réén si tuama icumawéngo cuméré si penanaanna?”

Markus 12:35

An tutuw i Yesus masusuié' am Balé Le'nas, wo icua-Na, “Tumambisa sé makailek wutul in Torat makua sapaoka si Kristus itu taranak i Daud?

Markus 14:49

Susur in endo penéré-nérén iow Aku masusui am Balé Le'nas, wo ra'ica tinangka' miow Aku. Taan mémang taniitu, wosama' en aipatic ang Kitap Le'nas musti lekepen.”

Markus 2:13

Si Yesus maréng angé ka'i sumawel an tembir in lour Galilea. Wo mai ai Sia sé tou keli wo susuian-Na séra.

Markus 4:2

Si Yesus masusui ai séra imaké ing keli andéan. Em ipasusui-Na tana'i:

Markus 6:2

Asi endo Sabat tumo'tolo Sia masusui am balé paapo'- an é agama Yahudi. Asi témpo itu keli en tou mai luminga Sia, séra mangaya-ngaya'ka' wo kumua “Am bisa réén eng kinéréan-Na waya in anio'? Kapinteran sapa si aiwéé ai Sia? Tumambisa ro'na émaan-Na en tuu-tuus kakaya'kaan taniitu?

Markus 6:34

An tutuw éra sumuwa' mangé, sérén i Yesus taniitu eng kakeli é tou imali'us, wo mai eng kaupusan in até-Na ai séra, ampa'paan séra tanuoka sé domba ra'io wana gembala. Wo tumo'tolo Sia sumusui ing keli sususuien ai séra.

Yohanes 10:40

Wo si Yesus mangé ka'i an lewet angé in doyongan Yordan, an tampa i Yohanes indior mengabaptis sé tou. Wo Sia mento' am bitu.

Yohanes 11:7

Wo kekawus in dua ngando, icua-Na a sé murit-Na, “Mayoo angénta sumawel an Yudea.”

Yohanes 18:20

Isowat i Yesus ai sia, “Ang karapi ra'ica ipaene-enep ipemaa-maar-Ku a sé tou keli ang kayo'baan. Wo ipenusu-nusui-Ku am balé-walé paapo'an é agama Yahudi wo am Balé Le'nas, am pali'usan é tou Yahudi. Ra'ica wana en ayenep-Ku.