Markus 1:8 - En Taar Weru a nunuwu' é Tontemboan

⁸ Baptisenku kamu in dano, taan baptisen-Na oka kamu i Roh Le'nas.”

Markus 1:8 ပူးပေါင်းရင်းမြစ်များ

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Markus 1:7

Wo ipakua-Na in tana'i, “Kekawus yaku, maai oka ka'i si esa tou eng kawasa-Na lumébémai wo yaku. Kumuru wo muka'ke' in tali sapatu-Na, yaku ra'ica patus.

Markus 1:9

An tutuw itu, si Yesus mai a Nazaret owo an sangkum ing Galilea, wo Sia baptisen i Yohanes an doyongan Yordan.

Lukas 3:16

Wo icua i Yohanes ai séra, “Baptisenku kamu in dano, taan kekawus yaku maai oka si Tou eng kawasa-Na lumébé mai wo yaku, muka' in tali in sapatu-Na, yaku ra'ica patus. Baptisen-Na oka kamu i Roh Le'nas wo in api.

Yohanes 1:26

Isowat i Yohanes ai séra, “Baptisenku kamu in dano. Taan an uner iow am bia'i awéan Tou si ra'ipé' katuusan iow.

Yohanes 1:33

An tutuw itu ra'ipé' katuusanku Sia, taan si Amang Kasuruan si mutus yaku e mengabaptis sé tou ang karapi in dano, icumuao a yaku: ‘Sa sérénmu e Roh itu tumumpa mai an dangka' i esa Tou wo tumeka' am bawo-Na, Sia oka e mengabaptis sé tou ang karapi i Roh Le'nas’.

Kisah Para Rasul 1:5

Si Yohanes Mabaptis, mengabaptis sé tou maké in dano, taan ra'- io uré ka'i kamu baptisen oka i Roh Le'nas.”

Kisah Para Rasul 10:45

Am bitu awéan ka'i sé tou sinunato sé maéman a si Yesus sé icumiitai si Petrus an Yope owo. Séra mangaya-ngaya'ka' an tutuw séra suméré si Amang Kasuruan tumambérai i Roh Le'nas a sé tou ra'ica Yahudi.

Kisah Para Rasul 2:17

‘Asi endo-endo kaka'puan, itumpa-Ku oka e Roh-Ku a sé pakasa in tou. Sé toyaang iow tuama wo wéwéné kumua oka i nunuwuun-Ku a sé tou. Sé mangalitou wo mangala'un makéré oka papaturu'an wo sé matu'a makéré oka pangipin.

Kisah Para Rasul 2:4

Wo séra im baya wuta i Roh Le'nas wo tumo'tolo maroma' i nunuwu'-nunuwu' walina tanu si aiwéé i Roh Le'nas ai séra en icua.

1 Korintus 12:13

Taniitu ka'i kita im baya, mandé ka'i kita tou Yahudi kuma'pa tou ra'ica Yahudi, ata kuma'pa tou ra'ica pakakawasan é tou walina, kita im baya nibaptis i Roh Le'nas si meputé, wosama' kita émaan esa owak. Wo kita im baya ka'i sumangkumo mai ing kamang a si Roh Le'nas si makaleke-lekep itu.