Markus 1:4 - En Taar Weru a nunuwu' é Tontemboan

⁴ Wo si Yohanes Mabaptis mai an tana' kapayasan wo icuana, “Mape'diso mangé ang kamesé-meséaan wo iwééo mio' en owak iow im baptisen wosama' eng kamesé-meséaan iow ampungan oka.”

Markus 1:4 ပူးပေါင်းရင်းမြစ်များ

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Matius 3:6

Séra mai mangaku ing kamesé-meséaan éra, wo baptisen i Yohanes séra an doyongan Yordan.

Markus 1:5

Wo sé tou am pakasa in sangkum in Yudea wo pakasa in tou an Yerusalem mai a si Yohanes. Séra mangaku ing kamesé-meséaan éra wo séra baptisen i Yohanes an doyongan Yordan.

Lukas 1:77

Ico maali mai in abar a sé tou i Casuruan tumambisa wosama' séra ro'na makailek ing kalowiran kumiit ing kaampungan ing kamesé-meséaan éra.

Yohanes 3:23

An tutuw itu, nibaptis ka'i i Yohanes Mabaptis sé tou an doong Ainon an duru in Salim, ampa'paan am bitu keli en dano. Sé tou mai am bitu im baptisen.

Kisah Para Rasul 10:37

Wo kailekan iow ka'i andumoro' im pakasa sé niéma' i Yesus tumo'tolai ang Galilea akar am pakasa in Yudea. En itu mamuali kekawus i Yohanes kumua a sé pakasa en tou sapaoka séra musti baptisen, tanu tuus imape'diso.

Kisah Para Rasul 22:16

Wo intarépé', nomoo menguré-ngurépé'! Tumulungo wo iwééo mangé en owakmu baptisen wo mangilek angé a si Casuruan wosama' ampungan-Na eng kamesé-meséaanmu.’