Lukas 9:50 - En Taar Weru a nunuwu' é Tontemboan

⁵⁰ Taan icua i Yesus ai séra, “Ra'ica toro kamu méro sia, ampa'paan si tou ra'ica masundur icamu, sia itu marapit ai camu.”

Lukas 9:50 ပူးပေါင်းရင်းမြစ်များ

Matius 12:30

Si séi si ra'ica kiim mewali-wali wo Yaku, sia masundur Yaku. Wo si séi si ra'ica kiim sumémbong lumi'us sé tou mai a Yaku, niéma'nao sé tou icatané-tané.

Matius 17:24

An tutuw i Yesus wo sé murit-Na icateka'o ang Kapernaum, wo mai sé matagi im pajak im Balé Le'nas mamuéi a si Petrus, “Si Gurumu mengawér im pajak im Balé Le'nas rua dirham kuma'pa ra'ica?”

Matius 17:26

Wo isowat i Petrus, “Tantu sé tou walina.” Icua i Yesus ai sia, “Wutul en itu. Anaé sé toyaang éra in esa ra'ica musti mawér im pajak.

Markus 9:38

Icua i Yohanes a si Yesus, “Guru, sinéré ami si esa tou ra'ica mengakiit icita musér si sétang maké i ngaran-Mu, wo péronen ami sia, ampa'paan sia ra'ica mengakiit cita.”

Markus 9:41

En ulitna icua-Ku mangé ai camu, si séike' e méé ai camu sanga gelas rano elepen ampa'paan kamu mengakiit si Kristus, sia ra'ica kawisa katalaan in laasana.”

Lukas 11:23

Si séi si ra'ica kiim mewali-wali wo Yaku, sia masundur Yaku, wo si séi si ra'ica kiim sumémbong lumi'us sé tou mai a Yaku, sia mengaéma' sé tou mentan-tanéan.”

Lukas 16:13

Si esa ata tantu ra'ica toro tumawoi a sé rua tuang. Ampa'paan sa tanu siitu, icasuutna oka si esa tuang wo mengaupus si tuang walina. Kuma'pa, sia le'tek oka a si tuang esa wo ra'ica mapandung si tuang walina. Taniituo ka'i kamu, tantu ra'ica toro sumelewir a si Amang Kasuruan sa memero-merotke' ing kasiyaan ing kayo'baan.”

1 Korintus 12:3

Ampa'paano in itu, musti kailekan iow sapaoka si tou paakinen i Roh i Amang Kasuruan, sia ra'ica kawisa kumua in tana'i, “Kinutuko si Yesus!” Taniitu ka'i ra'ica wana mandé esake' tou e ro'na kumua “Si Yesus itu Kasuruan” sa sia ra'ica pakaakinen i Roh Le'nas.