Lukas 9:49 - En Taar Weru a nunuwu' é Tontemboan

⁴⁹ Icua i Yohanes a si Yesus, “Guru, sinéré ami si esa tou musér sétang maké i ngaran i Guru. Wo péronen ami sia wosama' ra'ica maké i ngaran i Guru ampa'paan sia itu ra'ica mengakiit icita.”

Lukas 9:49 ပူးပေါင်းရင်းမြစ်များ

Matius 3:14

Wo icua i Yohanes a si Yesus. “Yaku em patus baptisen i Tuang, ra'ica yaku e maptis si Tuang.”

Lukas 5:5

Isowat i Simon, “Guru, sangawengio kami maéré-éré sera' taan ra'ica wana eng kinatangkaan ami. Taan, ampa'paan si Guru irumu'du' yaku, ilombo'ku sumawel en lolombo'.”

Lukas 9:33

An tutuw é rua tou itu tumela'uo woo si Yesus wo icua i Petrus a si Yesus, “Guru, arui keli kami asi tampa anio'. Lébé loor itoor ami telu ténda. Esa torona i Guru, esa torona i Musa wo si esa ka'i torona i Elia.” Taan ra'ica kailekan i Petrus sapa en aicuana itu.

Kisah Para Rasul 5:28

“Repeto eng kepéro ami ai camu wosama' kamu ra'io toro masusui andumoro' i Tou itu. Taan aiseraro miow en sususuien am pakasa in tampa an Yerusalem. Wo ka'i tinudu miow sapaoka, ampa'paano icami si Tou itu maté.”

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.