Lukas 9:33 - En Taar Weru a nunuwu' é Tontemboan

³³ An tutuw é rua tou itu tumela'uo woo si Yesus wo icua i Petrus a si Yesus, “Guru, arui keli kami asi tampa anio'. Lébé loor itoor ami telu ténda. Esa torona i Guru, esa torona i Musa wo si esa ka'i torona i Elia.” Taan ra'ica kailekan i Petrus sapa en aicuana itu.

Lukas 9:33 ပူးပေါင်းရင်းမြစ်များ

Matius 17:14

An tutuw i Yesus wo sé telu murit-Na meroso ing kuntung wo maréng sumawel an tampa é tou keli itu makali'us, awéan si esa tuama rumuru mai a si Yesus wo kumundu en sumiri' an dior-Na.

Matius 17:4

Wo icua i Petrus a si Yesus, “Tuang, arui keli kami an tampa anio'. Sa icasalé' i Tuang, itoorku oka telu ténda am bia. Si esa torona i Tuang, si esa si Musa wo si esa ka'i si Elia.”

Markus 10:38

Icua i Yesus ai séra, “Ra'ica kailekan iow sapa em pinangilek iow. Makawoo réén kamu melep asi paelepan si musti elepen-Ku kuma'pa baptisen tanu im baptisan si musti teriman-Ku?”

Lukas 5:5

Isowat i Simon, “Guru, sangawengio kami maéré-éré sera' taan ra'ica wana eng kinatangkaan ami. Taan, ampa'paan si Guru irumu'du' yaku, ilombo'ku sumawel en lolombo'.”

Lukas 9:34

Ang karoro'an i Petrus maroma' wo tumumpa mai eng kambung wo sumaput iséra, akar séra maindé'.

Lukas 9:49

Icua i Yohanes a si Yesus, “Guru, sinéré ami si esa tou musér sétang maké i ngaran i Guru. Wo péronen ami sia wosama' ra'ica maké i ngaran i Guru ampa'paan sia itu ra'ica mengakiit icita.”

Yohanes 14:8

Icua i Filipus a si Yesus, “Tuang, ituru'o mai si Amang-Mu ai cami wo en até ami arui keli.”

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.