Lukas 8:41 - En Taar Weru a nunuwu' é Tontemboan

⁴¹ Wo mai a si Yesus si esa tou makangaran Yairus, sia kapala im balé paapo'an é agama Yahudi. Sia kumundu an dior-Na wo mekiupus wosama' si Yesus mai am baléna,

Lukas 8:41 ပူးပေါင်းရင်းမြစ်များ

Lukas 13:14

Taan si kikiiten am balé paapo'an é agama Yahudi itu mae'bow a si Yesus ampa'paan isumama' in tou an endo Sabat. Wo icuana a sé tou keli, “Awéan enem ngando em pengatawoi, ampa'paan in ituo mayo mapasama' ai Sia asi esa endo patawoi itu, tioo asi endo Sabat!”

Lukas 17:16

An tutuw sia icateka'o mangé a si Yesus wo sia kumundu an dior ing kécéi-Na wo méé i makapulu'sama' ai Sia. Si tou itu, tou Samaria.

Lukas 5:8

An tutuw i Simon Petrus suméré in itu, sia kumundu an dior i Yesus wo kumua, “Tuang, itela'uo mai aku ampa'paan yaku anio' tou kelian kamesé-meséaan.”

Lukas 8:42

ampa'paan si toyaangna wéwéné si toyaang esa-esa, mepaté-patéo. En umur i toyaang itu wona' sangapulu' rua ngata'un. Ang karoro'an i Yesus maangé am balé i Yairus, keli en tou meréngké-réngké'an an duru-Na.

Lukas 8:49

An tutuw i Yesus maroma'pé', mai si esa tou si am balé i Yairus owo wo kumua, “Si toyaang i tuang imatéo. Anaé, nomoo ka'i ko menusa-nusa si Guru!”

Yohanes 11:21

Wo meta'upo si Marta wo si Yesus, icua i Marta ai Sia, “Tuang, sa woo si Tuang am bia'i an tutuw itu, si poowku ulit ra'ica maté.

Kisah Para Rasul 13:15

Kekawus i maca in ukum Torat wo ing kitap é nabi, sé kikiiten am balé paapo'an itu rumu'du' tou eng kumua a si Paulus wo si Barnabas tana'i, “Poo-poow, sa awéan ai camu e méé sina'u eng kumeter im paémanen é tou anio', icuao mai!”

Kisah Para Rasul 18:17

Wo sé tou Yahudi am bitu tumangka' si Sostenes kapala im balé paapo'- an é agama Yahudi, wo tepian éra sia an dior i gubernur. Taan séra ra'ica pandungen i Galio.

Kisah Para Rasul 18:8

Awéan si capala im balé paapo'an é agama Yahudi ang kota Korintus, makangaran Krispus. Sia wo pakasa sé tou am baléna maémano a si Apo' Yesus. Sé tou walina ang kota Korintus sé lumingao in sususuien i Paulus, imaémano ka'i a si Apo' Yesus wo pakasa séra méé in owak em baptisen.

Kisah Para Rasul 9:38

Sé tou makiit in sususuien i Yesus an Yope luminga sa si Petrus an Lida, si roong itu mentawian wo in Yope. Ampa'paano in itu ru'du' éra rua tuama mangé tumowa si Petrus wo kumua tana'i, “Tuang, pekiupusen ami sa woo ro'na si tuang mario-riorai an Yope.”

Wahyu 5:8

An tutuw Sia mindo ing gulungan kitap itu, sé epat mahluk wo sé rua ngapulu' epat matu'a kumundu an dior i Toyaang i Domba itu. Sé mahluk wo sé matu'a itu makatimboi mekélé esa kecapi wo mekélé esa paelepan mas si wuta ing kamenyan. Siituo en sombayang é tou le'nas.