Lukas 8:38 - En Taar Weru a nunuwu' é Tontemboan

³⁸ Wo si tou imasama'o itu mekiupus a si Yesus sa woo ro'na énan-Na eng kumiit Sia. Taan sia airu'du'ke' i Yesus maréng, icua i Yesus,

Lukas 8:38 ပူးပေါင်းရင်းမြစ်များ

Matius 4:24

Wo icaseraro en abar andumoro' i Yesus am pakasa in Siria, ampa'paan in ituo séra mai ai Sia. Wo iwali éra mai pakasa sé tou sé membam-balinaan en sakit, sé mawendu, sé rinasuk é sétang, sé sumakit ayan wo sé késo' wo séra im baya sinama'-Na.

Lukas 8:28

Keséréna si Yesus, sia mangko' wo kumundu an dior-Na. Icuana in taangko', “Sapa en urusan-Mu wo yaku, éi Yesus Toyaang i Amang Kasuruan Si Rumangka-rangka'? Pekiupusenku ai Co tioo okoien-Mu aku!”

Lukas 8:37

Wo pakasa sé tou an sangkum ing Gerasa mekiupus a si Yesus wosama' itela'- u-Na en tampa éra. Icua éra in taniitu ampa'paan séra im pakasa uli-ulit maindé'. Anaé, si Yesus sumaké sumawel an londéi wo maréng.

Lukas 8:39

“Maréngo mangé am balému wo isisilo mangé waya sapa sé niéma'o i Amang Kasuruan ai co.” Wo si tou itu maréng wo mangé am pakasa ing kota wo isisilna waya a sé tou am bitu, andumoro' im pakasa sé niéma'o i Yesus ai sia.

Filipi 1:23

Ra'io kasisiranku asé rua sisiran itu. Yaku masalé' keli tumela'u ing kayo'baan anio' wo mangé mento' mewali-wali wo si Kristus, ampa'paan en itu si lumébé loorai.