Lukas 7:41 - En Taar Weru a nunuwu' é Tontemboan

⁴¹ Icua i Yesus, “Awéan rua tou miram roit a si tou mengawéé pairaman roit. Si esa tou miram roit lima ngaatus dinar wo si esa lima ngapulu' dinar.

Lukas 7:41 ပူးပေါင်းရင်းမြစ်များ

Matius 18:28

Taan kekesotai i ata itu am balé i colano, sia meta'up ka'i wo si carapina ata, si mutang ai sia sangaatus dinar. Wo tangkaanna si carapina itu wo kiselenna eng kolot, icuana, ‘Wérano mai en utangmu a yaku!’

Matius 6:12

Wo ampunganai eng kamesé-meséaan ami, kaputé ami ka'i mawéé ing kaampungan a si tou si méma' ing kameséaan ai cami.

Markus 6:37

Taan isowat i Yesus ai séra, “Kamuo e musti méé kanen ai séra!” Sowat éra ai Sia, “Musti réén kami e mangé tumeles roti makawééna in dua ngaatus dinar em béé kanen éra?”

Lukas 11:4

Wo ampunganai eng kamesé-meséaan ami, ampa'paan kami ka'i mawéé ing kaampungan a si tou si méma' ing kameséaan ai cami. Wo ra'ica toro iwali kami muntep am pangepé'an.’ ”

Lukas 12:48

Taan si ata ra'ica makailek ing kasalé'an i tuangna wo sia méma' ing kaséaan akar makéré ukuman, taan en ukumanna sa porak. Ampa'paan si séi em binéan i Amang Kasuruan keli, ai sia ka'i pangileken oka keli. Wo si séi en tinokéano i Amang Kasuruan keli, ai sia ka'i pangileken oka keli.”

Lukas 13:4

Kuma'pa, pawasan iow réén sé sangapulu' walu tou imaté rine'baan i menara an Siloam, eng kameséaan éra lumébémai wo eng kameséaan é tou walina sé maento' an Yerusalem?

Lukas 7:40

Wo icua i Yesus a si Simon, “Simon, awéan en icasalé'-Ku icua ai co.” Isowat i Simon, “Icuao mai é Guru.”

Lukas 7:47

Icua-Ku ai co, en upusna wangko' itu, itumuru'o sapaoka eng kamesé-meséaanna sé kumeli-keli itu niampungano. Taan sa si tou niampungan wayake' im pira, eng kaupusanna ka'i wayake' im pira.”

Roma 3:23

Pakasa en tou iméma'o ing kamesé-meséaan, akar séra ra'ica makéré im bagéan a rarayo wo in sisiri' i Amang Kasuruan.

Roma 5:20

En ukum Torat itu aiwéé mai i Amang Kasuruan a sé tou wo eng kasiwakana eng kamesé-meséaan é tou makaawes eng kakeli ampa'paan séra ra'ica le'tek maéma' in ukum itu. Taan mandé eng kamesé-meséaan makaawes eng kakeli, en upus aitambér i Amang Kasuruan makalepe-lepet eng kakeli.