Lukas 7:37 - En Taar Weru a nunuwu' é Tontemboan

³⁷ Ang kota itu awéan esa wéwéné si kailekano é tou, sia menonou ang kamesé-meséaan. An tutuw sia luminga sapaoka si Yesus ang karoro'an makan am balé i tou Farisi itu wo sia makala'us mai am bitu maali-ali im botel teké' niéma' am batu pualam pinumpunan in solo mawou manam.

Lukas 7:37 ပူးပေါင်းရင်းမြစ်များ

Matius 21:31

Anaé, sa iciit icamu, si séi ai séra in dua e méma' ing kasalé'- an i amang éra?” Isowat éra, “Si toyaang luluna.” Wo icua i Yesus ai séra, “En ulitna icua-Ku mangé ai camu, sé matagi im pajak wo sé wéwéné sundal en dior muntep ang Kakolanoan i Amang Kasuruan wo icamu.

Lukas 18:13

Taan si mengasaap im pajak itu tumulung angé an tayang wo maindé'ke' kumanat angé an langit. Taan sia menepé-nepé'ke' taré in da'dakna wo kumua: ‘O Amang Kasuruan, icaupusai aku anio' si tou ang kamesé-meséaan.’

Lukas 19:7

Taan pakasa é tou sé makaséré in itu mengimbu-ngimbulu. Icua éra, “Sia lumosér oka am balé i tou ang kamesé-meséaan!”

Lukas 5:30

Keséré in itu, sé tou Farisi wo sé makailek wutul in Torat menge'bo-nge'bow a sé murit i Yesus wo icua éra, “Kéitu réén kamu kuman wo melep mewali-wali ang karapi é matagi im pajak wo sé tou iméma' ing kamesé-meséaan?”

Lukas 5:32

Yaku mai ra'ica en tumowa sé tou wutul, taan tumowa sé tou iméma' ing kamesé-meséaan wosama' séra ro'na mape'dis.”

Lukas 7:34

Wo mai si Toyaang i Tou, Sia makan wo maelep, wo ipakua miow, ‘Séréno, Sia tampenganen wo tampengelepen. Sia ka'i mekarapi wo sé matagi im pajak wo sé tou iméma' ing kamesé-meséaan.’

Lukas 7:36

Awéan esa tou Farisi makangaran Simon, menot si Yesus eng kuman ang karapina. Wo mai si Yesus am balé i tou itu wo lumukut kuman am bitu.

Yohanes 11:2

Si Maria itu wéwéné si sumangkumo sumolo ing kécéi i Apo' Yesus maké in solo mawou manam wo linapna im buukna. Si wéwéné itu mepoow wo si Lazarus si sumakit itu.

Yohanes 9:24

Wo towan éra ing kumarua si tou si indior wola itu wo icua éra ai sia, “Musti icuamu im butul an dior i Amang Kasuruan. Kailekan ami si tou isumama' ico itu tou ang kamesé-meséaan.”

Yohanes 9:31

Kailekanta sapaoka si Amang Kasuruan ra'ica luminga sé tou iméma' ing kamesé-meséaan, taan en lingan-Na si séike' mangé si uli-ulit mengasiri' Sia wo si mengaéma' ing kasalé'an-Na.

Roma 5:8

Taan si Kristus imatéo torona icita an tutuw kita mengaéma'pé' ing kamesé-meséaan. En itu itumuru'o sapaoka eng kaupusan i Amang Kasuruan ai cita uli-ulit wangko'.

1 Timotius 1:15

Sé nunuwu' anio' ulit wo ro'na teriman wo percayanmu. En aicua tana'i: Si Kristus Yesus mai ang kayo'baan en lumowir sé tou ang kamesé-meséaan. Wo a sé im pakasa in tou sé sumangkumo mengaéma' ing kamesé-meséaan, yakuo si kumeli-keli mengaéma' ing kamesé-meséaan.

1 Timotius 1:9

En ukum ang Kitap Le'nas itu ra'ica niéma' torona é tou sé maéma' im butul, taan niéma' torona é tou sé ra'ica makiit in ukum wo sé tou ra'ica le'tek, torona é tou léwo' wo sé tou mengaéma' ing kamesé-meséaan, torona é tou makiit ing kasalé'an ing kayo'baan wo ra'ica maéman a si Casuruan, torona é tou sé mengapaté si amang wo si inang, torona é tou sé kinakelian mengapaté tou,

1 Petrus 4:18

Ang Kitap Le'nas aipatic in tana'i, “Sé tou maéman sé mengéma-ngéma' im butul musti mawendu owo, kumawus in itu séra ro'na makéré ing katouan akar ing kauré-uré. Sa taniitu, tambisa e mamuali oka a sé tou sé ra'ica maéman a si Casuruan, wo sé tou iméma' ing kamesé-meséaan?”