Lukas 6:49 - En Taar Weru a nunuwu' é Tontemboan

⁴⁹ Taan si séike' mangé si luminga in aicua-Ku wo en itu ra'- ica pengaémaanna, sia itu meputé wo si tou si mangun im baléna am bawo in tana' ra'ica imaké watu patuliran. An tutuw mai en sonop wangko' wo tumuli im balé itu, em balé itu makala'us rume'ba wo makatongka-tongkar.”

Lukas 6:49 ပူးပေါင်းရင်းမြစ်များ

Matius 23:3

Ampa'paano in itu musti lingan wo émaano waya sé aisusui éra ai camu. Taan tioo kiiten iow em peri éra, ampa'paan em pasusui éra ai camu ra'ica pengaémaan éra.

Matius 24:10

Wo asi témpo itu, keli en tou sé maéman, ra'io ka'i maéman a Yaku. Séra mengking-kianatan wo mengkasuutan.

Markus 4:17

taan en Taar itu ra'ica maa'mut sama' wo ra'ica itumang uré an até éra. Sa séra tenan ing kasusaan kuma'pa in okoi ampa'paan maéman in Taar itu, séra makala'us tumela'u si Amang Kasuruan.

Lukas 12:47

Si ata makailek ing kasalé'an i tuangna taan ra'ica matéi-téir wo ra'ica mengaéma' ing kasalé'an i tuangna, sia makéré oka in ukuman si mute-uter.

Lukas 19:14

Taan sé tou an doongna itu masuut isia. Anaé, an tutuw sia imangém wo iru'du' éra tou mangé an doong wangker wo tayang itu, eng kumua tana'i, ‘Ra'ica kiim ami si tou itu mamuali kolano ami.’

Lukas 19:27

Wo intarépé', pakasa sé kaséké'ku itu sé ra'ica masalé' yaku mamuali kolano éra, iwali mai wo patén an diorku!’ ”

Lukas 6:46

“Kéitu réén kamu kumua a Yaku, ‘Tuang, Tuang’ taan kamu ra'ica maéma' sapa en aicua-Ku?

Lukas 6:48

Sia ipeputé wo si tou mangun im balé: Kataré-taré sia kuma'il in tana' rarem keli wo tumulir im batu pandasi wo mangun im balé am bawo im batu itu. An tutuw mai en sonop wangko' wo tumuli im balé itu, em balé itu ra'ica iméro' ampa'paan winangun am bawo im pandasi enté'.

Lukas 7:1

Kumawusai si Yesus maroma' a sé tou keli itu wo Sia mangé ang Kapernaum.

Yohanes 15:2

Pakasa em pangana sé a Yaku sé ra'ica mengawua' pokolen-Na, wo pakasa em pangana sé a Yaku sé mengawua' weresin-Na wosama' em bua'na makaawes eng kakeli.

Kisah Para Rasul 20:29

Kailekanku sa kamu itela'uku, sé tou i makaperi meputé wo sé serigala luméwo-léwo' muntep oka an uner iow. Raméjin éra tumeri sé jamaat si pakatéiran iow itu.

Kisah Para Rasul 26:11

Yaku ka'i muntep am balé-walé paapo'an é agama Yahudi wo pengaokoienku sé tou makiit si Yesus wo leséénku séra en sumangkal im paémanen éra. Ampa'paano aku mae'bow keli wo keli paangitenku séra akar ang kota-kota walina.”

1 Tesalonika 3:5

Ampa'paan in ituo ayutus ami si Timotius ai camu ampa'paan kami ra'io makatang sa ra'io luminga in abar andumoro' icamu. Icasalé'ku makéré abar, sapaoka kamu maémané' a si Yesus kuma'pa ra'io. En icaindé'ku oréoka kamu katawérano i kikiiten é sétang wo ra'io maéman a si Yesus. Sa wutu-wutul mamuali taniitu, ra'- ica wana en torona sé tinawoi ami indior.

2 Petrus 2:20

Sé tou itu isumangkumo makatuus si Yesus Kristus, Apo' wo Lumolowirta, séra icawekaro ang kasalé'an léwo' ing kayo'baan. Taan sa séra maréng sumawel iméma' sé kaléwo'-léwo'an itu, eng kasiwakanna em peri ing katouan éra itu ilumébé léwo' mai asi cataré.

1 Yohanes 2:19

Mémang séra itu tou an unerta owo, taan séra itu ra'ica touta. Ampa'paan sa séra itu touta, tantu séra kasake' mewali-wali wo icita. Taan ampa'paan séra itumanéo wo icita, en itu mamuali tuus sa séra itu ra'ica touta.