Lukas 6:36 - En Taar Weru a nunuwu' é Tontemboan

³⁶ Mengaupus angé kamu a sé tou walina kaputé si Amang iow an sorga taupus a sé pakasa sé tou.”

Lukas 6:36 ပူးပေါင်းရင်းမြစ်များ

Matius 5:48

Ampa'paan in itu, kamu musti lekep, kaputé i Amang iow si an sorga lekep.”

Lukas 6:35

Taan si musti émaan iow, mengaupus angé a sé kaséké' miow wo mengaéma'o mangé sé loor ai séra. Wo pengawéanio' iraman séra wo ra'ica maarap iwaréng. Sa émaan iow tanu siitu, kamu makéré oka laasa wangko'. Wo siituo e mamuali tuus sapaoka kamu uli-ulit toya-toyaang i Amang Kasuruan Si Rumangka-rangka'. Ampa'paan si Amang Kasuruan loor a sé tou sé ra'ica mengawéé makapulu'sama' wo ka'i a sé tou léwo'.

Lukas 6:37

“Tioo kamu mengaakim sé tou walina wosama' kamu ra'- ica akimen. Wo tioo kamu mengaukum sé tou walina, wosama' kamu ra'ica ukumen i Amang Kasuruan. Wéanio' kaampungan a sé tou walina wosama' kamu ampungan i Amang Kasuruan.

Efesus 4:31

Itela'uo mio' eng kasuutan, kae'bowan akar ing karangoan, kae'bowan, meindo-indoan roma', mengawuruk i ngaran é tou, taniitu ka'i mai pakasa sé léwo'.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.