Lukas 6:35 - En Taar Weru a nunuwu' é Tontemboan

³⁵ Taan si musti émaan iow, mengaupus angé a sé kaséké' miow wo mengaéma'o mangé sé loor ai séra. Wo pengawéanio' iraman séra wo ra'ica maarap iwaréng. Sa émaan iow tanu siitu, kamu makéré oka laasa wangko'. Wo siituo e mamuali tuus sapaoka kamu uli-ulit toya-toyaang i Amang Kasuruan Si Rumangka-rangka'. Ampa'paan si Amang Kasuruan loor a sé tou sé ra'ica mengawéé makapulu'sama' wo ka'i a sé tou léwo'.

Lukas 6:35 ပူးပေါင်းရင်းမြစ်များ

Matius 5:9

Pakakamangen sé tou sé maali-ali ing kaeluran a sé tou walina, ampa'paan séra tuulen oka toya-toyaang i Amang Kasuruan.

Markus 5:7

Kumawus in itu, si tou itu mangko' repet, “Sapa en urusan-Mu wo yaku éi Yesus, Toyaang i Amang Kasuruan Si Rumangka-rangka'? Pekiupusenku ai Co ang karapi i ngaran i Amang Kasuruan, tioo okoien-Mu aku!”

Lukas 1:32

Sia itu mamuali oka tou wangko' wo pengatuulen oka ka'i é tou, Toyaang i Amang Kasuruan Si Rumangka-rangka'. Wo Sia émaan oka i Amang Kasuruan Kolano tanu si colano Daud, amang é apo-apo'-Na.

Lukas 6:36

Mengaupus angé kamu a sé tou walina kaputé si Amang iow an sorga taupus a sé pakasa sé tou.”

Yohanes 13:35

Sa kamu meupu-upusan, kailekan oka waya é tou, sapaoka kamu murit-murit-Ku.”

Yohanes 15:8

Sa kamu mua' keli, si Amang-Ku oka em parayo-rayo wo pasiri-siriin. Wo in taniitu kamu mééo tuus sapaoka icamuo sé murit-Ku.”

Kisah Para Rasul 14:17

Taan si Amang Kasuruan kasake' tumambérai in upus-Na a sé pakasa sé tou ang karapi in tumumpa mai in uran an langit wo winéan-Na oras i maupu' ai cita. Winéan-Na ka'i mai kakanen wo kaaruian an atéta.”

2 Korintus 8:9

Ampa'paan kailekano miow en upus aitambér i Apo'ta Yesus Kristus ai camu: Mandé ka'i Sia siya', taan torona ing kapentingan iow, niéma'-Na en owak-Na malengéi, wosama' kamu masiya'.

2 Timotius 3:2

Wo asé endo itu ka'i, sé tou asalo oka mengaupus in owak éra in esa wo mamuali ata in doit. Séra mengatowo oka wo mengatirayo in owak éra in esa, mengawuruk i ngaran é tou. Séra mengasundur sé matu'a, ra'ica makailek mengawéé i makapulu'sama' wo ra'ica mapandung i mengaapo' a si Casuruan.