Lukas 6:29 - En Taar Weru a nunuwu' é Tontemboan

²⁹ Sa awéan tou sumepé' in amo kakan iow, iwééo mio' ka'i en amo ka'biri miow sepéénna. Sa awéan e mindo in jubamu, iwayao mio' ka'i indonna eng karaimu.

Lukas 6:29 ပူးပေါင်းရင်းမြစ်များ

Matius 26:67

Wo ruraan éra en amo-Na wo rukin éra. Taniitu ka'i sé tou walina sumepé' Sia.

Lukas 22:64

Em beren-Na we'beren éra ing kaéng wo mamuéi, “Icua mai si séi réén en sumepé' Ico?”

Lukas 6:30

Sa awéan tou mangilek sapake' mangé ai co, iwééo mio' sapa em pinangilekna. Wo sa awéan tou mandét sapake' mangé ai co, tioo pangilekenmu sumawel.

Yohanes 18:22

Kekawus i Yesus icumua in taniitu, awéan si esa tou matéir im Balé Le'nas makatulung am bitu sumepé' in amo i Yesus. Icuana, “Taniitu réén em ipakasowat-Mu a si imam wangko'?”

Kisah Para Rasul 23:2

Kelinga in itu, si imam wangko' Ananias rumu'du' sé tou makatulung an duru i Paulus wosama' sumepé' im ba'ba'na.

1 Korintus 4:11

Wo akar intarépé' kami maarem wo maré'om wo eng karai ami waya oka si pekakaraien an owak. Kami paokoien é tou wo ra'ica wana em paento'an.

1 Korintus 6:7

Awéanke' kaperéndéran an uner iow tou maéman, en itu tumuru' icamu meséa'o. Sa awéan tou e méma' ra'ica adil ai camu, aweso taré iwayao mio' sia méma' in taniitu kuma'pa icamu e marugi.

2 Korintus 11:20

Ipakawayake' miow sé tou sé mengaata icamu, sé mengaindo pakasa in anu miow, sé mengaindo ing kauntungan ai camu, sé mendam irumangka' mai wo icamu, wo sé ra'ica mindé' mengasepé' in amo miow.

Ibrani 10:34

Mémang kamu kumiito mendam ing kawenduan é tou sé pakabuin. Wo an tutuw pakasa ing kasiyaan iow niandét, kamu maaru-aruike' ampa'paan kailekan iow sapaoka kamu in esa makaanu ing kasiyaan si lumoorai wo tumang akar ing kauré-uré.