Lukas 6:25 - En Taar Weru a nunuwu' é Tontemboan

²⁵ Icawangkuro mio' kamu sé mawesu intarépé', ampa'paan kamu mendam oka ing kaareman. Cawangkuro mio' kamu sé imeké'ké' intarépé', ampa'paan kamu mawendu oka wo maamé'.

Lukas 6:25 ပူးပေါင်းရင်းမြစ်များ

Lukas 12:20

Taan icua i Amang Kasuruan ai sia, ‘Éi tou bodok, eng kasiyaan niumungmu itu ra'ica kaipianmu, taan mamuali oka anu é tou walina ampa'paan asi wengi anio'ke' en asengmu indon oka ai co.’

Lukas 13:28

An tutuw iow suméré si Abraham, Ishak wo si Yakub wo pakasa sé nabi masalé-salé' ang Kakolanoan i Amang Kasuruan, kamu maamé' oka akar mengare-ngare'ket im baang ampa'paan kamu tiya' oka ang kesot.

Lukas 6:24

Taan icawangkuro mio' kamu sé tou siya' intarépé', ampa'paan kamu imendamo ing kaaruian ang kasiyaan iow.

Lukas 6:26

Icawangkuro mio' kamu sa pakasa sé tou marayo icamu, ampa'paan tanu siitu ka'i e niéma' é apo-apo' éra indior, marayo sé nabi ra'ica wutul.”

Lukas 8:53

Taan aipeké'ké' érake' taré Sia ampa'paan kailekan éra si toyaang itu imatéo.

Efesus 5:4

Tioo ka'i awéan ai camu makua sé nunuwu' kotor, sé nunuwu' ra'ica wana torona kuma'pa sé nunuwu' ra'ica masoma. En itu ra'ica patus pengakua miow. Taan aweso taré kamu mengakuao mangé i makapulu'sama' a si Amang Kasuruan.

1 Tesalonika 5:3

Awéan en orasna sé tou eng kumua in tana'i, “Eng katouanta arui wo elur, ra'ica toro maindé-indé'.” Taan tumarépé'anke'mai séra tenan oka ing kawenduan meputé wo ing kawenduan si pinendam i wéwéné an tutuw i makéré toyaang. Sé tou itu ra'ica wana en icawekar asi kawenduan itu.

Yakobus 4:9

Yentoo mio' eng ké'ké' wo en arui miow ampa'paan ing kamesé-meséaan iow. Aweso taré sawelen iow en itu i manesel wo maamé' ampa'paan kamu wendu keli iméma'o ing kamesé-meséaan.

Wahyu 3:17

Aicua miow, ‘Kami anio' tou imasiya'o wo sapa-sapake' awéano ai cami, ra'ica wana e maina' ai cami,’ taan ra'ica kailekan iow en ulitna kamu itu tou sumusa-susa wo kawendun oka mai, lengéi, wola wo metangkol.