Lukas 5:35 - En Taar Weru a nunuwu' é Tontemboan

³⁵ Taan maai oka en témpona si pengantén tuama indon é tou walina an uner éra wo asi témpo ituo séra muasa.”

Lukas 5:35 ပူးပေါင်းရင်းမြစ်များ

Matius 9:15

Isowat i Yesus ai séra, “Ro'na réén sé kara-karapi i pengantén tuama mala'lu ang kauré i pengantén itu mewali-wali wo i séra? Taan mai oka en témpona si pengantén itu indon é tou an uner éra wo asi témpo ituo séra muasa oka.

Markus 2:20

Taan mai oka en témpona si pengantén tuama indon é tou walina an uner éra, wo asi témpo ituo séra muasa.

Lukas 17:22

Wo cua i Yesus a sé murit-Na, “Maai oka en témpona sa, kamu masalé' keli suméré si Toyaang i Tou mandé sangandoke' taan Sia ra'ica kaséréan iow.

Lukas 5:34

Isowat i Yesus ai séra, “Ro'na réén sé kara-karapi i pengantén tuama iru'du' muasa an tutuw i pengantén itu mewali-walipé' wo iséra?

Lukas 5:36

Wo icua ka'i i Yesus esa andéan a sé tou Farisi, “Ra'ica wana esa tou eng kumésé' sangakésé' kaéng ang karai weru wo itampalna ang karai matu'a. Ampa'paan eng karai weru itu tantu maléwó' wo eng kaéng sangakésé' itu ka'i ra'ica isumoma sa itampal asi karai matu'a.

Yohanes 12:8

Ampa'paan sé tou lengéi kasake' mewali-wali wo icamu, taan Aku ra'ica' oka tatap mewali-wali wo icamu.”

Yohanes 13:33

Icua ka'i i Yesus, “Éi toya-toyaang-Ku, Yaku ra'io mauré-uré mewali-wali wo icamu, wo pangérén oka miow Aku. Taan tanu sé aicua-Kuo a sé kikiiten é tou Yahudi, icua-Ku ka'i, em paangéan-Ku, kamu ra'ica icaangé am bitu.

Yohanes 16:28

Yaku asi Amang owo, wo mai ang kayo'baan anio'. Wo intarépé' itela'u-Ku ka'i eng kayo'baan anio' wo maréng angé sumawel a si Amang-Ku.”

Kisah Para Rasul 1:9

Kumawusai si Yesus kumua in taniitu, Sia icaangkaio mangé an sorga pakasérén éra wo Sia saputen ing kambung akar ra'io kaséréan éra.

Kisah Para Rasul 14:23

Wo séra in dua sumisir sé penatua torona é jamaat itu. Séra sumombayang wo muasa en sumarakan sé penatua itu a si Casuruan si paémanen éra.

Kisah Para Rasul 3:21

Sia itu musti mento' an sorga akar mai en témpona si Amang Kasuruan méma' im pakasa mamuali weru. Pakasa en itu aicua-Nao indioré' owo, imaké sé nabi sé sinisir-Na.

1 Korintus 7:5

Sé mempenanaan, si esa wo si esa ra'ica toro kumélong méma' ing kewajipan itu, aluar en itu pineroma'o miow in dua, ampa'paan e mindo témpo ra'ica talos uré en sumombayang. Taan makasombayang ako, menonouo sumawel tanu mempenanaan, ampa'paan kamu ra'ica makatang méma' ing kasalé'an in owak iow. Wo in taniitu si kikiiten é sétang ra'ica makawoo tumawér icamu méma' ing kamesé-meséaan.

2 Korintus 11:27

Yaku ra'ica mento' menawo-nawoi akar i makepé, yaku makakeli-keli ra'io matekel, ra'io makan, ra'ica maelep, makakeli-keli ka'i ra'io wana kakanen, kautingan ampa'paan eng karai ra'ica maawes.