Lukas 5:2 - En Taar Weru a nunuwu' é Tontemboan

² Wo kaséréan i Yesus sé rua londéi an tembir in lour itu. Asi témpo itu sé tou matangka' sera' itumumpao an londéi wo ang karoro'ano i mawu'as in lolombo'.

Lukas 5:2 ပူးပေါင်းရင်းမြစ်များ

Matius 4:18

An tutuw i Yesus imawaya' an tembir in lour Galilea, sérén-Na sé rua metuari, séra ituo si Simon si patuulen Petrus wo si Andreas tuarina. Séra ang karoro'an malombo' in lolombo' an lour, ampa'paan en tawoien éra mengaéré sera'.

Matius 4:21

Kekawus in itu, si Yesus lumala'us im bawayaan wo kaséréan-Na ka'i sé rua metuari walina toya-toyaang i Zebedeus, sérao si Yakobus wo si Yohanes tuarina, mewali-wali wo si amang éra si ang karoro'an mawutul in lolombo' an untep in londéi. Séra towan i Yesus.

Markus 1:16

Asi makasa si Yesus mawaya-waya' an tembir in lour Galilea wo sérén-Na sé rua metuari, e ngaran éra Simon wo Andreas. Séra ang karoro'an malombo' in lolombo', ampa'paan en tawoien éra mengatangka' sera'.

Markus 1:19

Kumawus in itu, si Yesus lumala'us im bawayaan-Na wo sérén-Na si Yakobus wo si Yohanes kapetuarina, séra toya-toyaang i Zebedeus. Séra ang karoro'an i mawutul in lolombo' an londéi.

Lukas 5:1

Asi makasa si Yesus makatulung an tembir in lour Genesaret. Wo keli sé tou imali'usai ai Sia e mai luminga in Taar i Amang Kasuruan.

Lukas 5:3

Wo si Yesus sumaké asi esa londéi anu i Simon. Wo iru'du'-Na si Simon en tumuké in londéina wosama' tumayang toyo' an tembir in lour. Wo si Yesus lumukut an londéi itu wo sumusui a sé tou keli sé an tembir in lour.

Yohanes 1:40

Esaan asé rua murit itu sé lumingao in aicua i Yohanes wo kumiit angé si Yesus, sia itu makangaran Andreas. Sia metuari wo si Simon Petrus.