Lukas 24:39 - En Taar Weru a nunuwu' é Tontemboan

³⁹ Sérénai eng kama wo eng kécéi-Ku. Yakuo in esa si anio'. Isuuno mai en owak-Ku wo sérén sumama-sama', ampa'paan e mu'kur léwo' ra'ica wana sama'na wo ru'i tanu si pasérén iow a Yaku anio'.”

Lukas 24:39 ပူးပေါင်းရင်းမြစ်များ

Lukas 23:46

Wo si Yesus kumua in taangko', “O Amang, ang kakawasaan-Muo, isarakan-Ku e mu'kur-Ku.” Kekawusai kumua in taniitu wo Sia maté.

Lukas 24:38

Taan icua i Yesus ai séra, “Kéitu réén kamu maindé'? Wo kéitu réén en até miow marua-rua wasa andumoro' Yaku?

Lukas 24:40

Ang karoro'an imakua in taniitu, ituru'-Na ka'i eng kama wo eng kécéi-Na ai séra.

Yohanes 20:20

Kekawus-Na kumua in taniitu, ituru'-Na ai séra eng kama wo em petic-Na. Sé murit-Na arui an tutuw éra suméré si Apo' Yesus.

Yohanes 20:25

Wo icua é murit itu a si Tomas, “Sinéréo ami si Tuang!” Taan icua i Tomas ai séra, “Sa ra'ipé' sinéréku eng kalat pinakuan am palara ing kama-Na, wo ra'ipé' aitopokku en tuturu'ku ang kalat im pinakuan itu, wo ra'ipé' aitopokku en tuturu'ku am petic-Na, wutu-wutul ra'ipé' percayanku.”

Yohanes 20:27

Wo icua-Na a si Tomas, “Iweta'o mai en tuturu'mu am bia'i wo séréno mai eng kama-Ku. Yuluro mai eng kamamu wo itopoko mai am petic-Ku. Tioo ka'i ko ra'ica mercaya, taan percayano mai!”

Kisah Para Rasul 1:3

Kekawus-Na imaté wo tumou sumawel, Sia menguri-nguri mapaturu' in owak-Na ai séra epat ngapulu' ngando eng kauréna, wo méé kelian tuus en tumuru' sapaoka Sia uli-ulit tumou sumawel. Wo Sia makua andumoro' si Amang Kasuruan kumawasa tanu Kolano.

1 Tesalonika 5:23

Pangileken ami a si Amang Kasuruan wosama' émaan-Na eng katouan iow male'nas. Siao ka'i méma' icita menonou ang kaeluran. Pangileken ami ka'i téiran-Na mai en owak, en até wo e mu'kur iow wosama' an tutuw si Apo'ta Yesus Kristus maai sumawel, kamu ra'ica wana kaséaan ampa'paan kamu ra'ica iméma' ing kameséaan sapa-sapa.

Ibrani 12:9

Kita awéan amang ang kayo'baan. Kita patepianna wo sia pasiriinta. Wopé'taré si Amang Kasuruan, Amangta an sorga, Amang é pakasa é roh. Kita musti lume'te-le'tek angé ai Sia wosama' kita ro'na menonou akar ing kauré-uré.

1 Yohanes 1:1

En surat anio' andumoro' in Taar si mengawéé ing katouan. En Taar anio' awéano asi kataré-taré si liningao wo sinéréo ami in esa. Wo tinimboiano ami ka'i ing kama ami in esa.