Lukas 24:30 - En Taar Weru a nunuwu' é Tontemboan

³⁰ An tutuw Sia lumukut kuman mewali-wali wo iséra, Sia mindo roti wo kumua i makapulu'sama' a si Amang Kasuruan wo te'bi-te'biin-Na e roti itu wo yéké-Na ai séra.

Lukas 24:30 ပူးပေါင်းရင်းမြစ်များ

Matius 14:19

Wo iru'du'-Na sé tou keli lumukut an dukut. Kekawus in itu indon-Na sé lima roti wo sé rua sera' itu wo Sia kumanat angé an langit kumua i makapulu'sama'. Te'bi-te'biin-Na e roti itu wo yéké-éké a sé murit-Na. Wo yéké é murit-Na a sé tou keli.

Matius 15:36

Kekawus in itu indon-Na sé pitu roti wo sé sera' itu wo kumua makapulu'sama' wo te'bi-te'biin-Na wo yéké-Na a sé murit-Na wo yéké ka'i é murit-Na a sé tou keli.

Matius 26:26

An tutuw i Yesus wo sé murit-Na ang karoro'an i makan, indon-Na e roti wo kumua mangé makapulu'sama', wo te'bi-te'biin-Na e roti itu, wo yéké-Na a sé murit-Na wo kumua, “Indono, kaneno, si anioo en owak-Ku.”

Markus 14:22

An tutuw i Yesus ang karoro'an i makan mewali-wali wo sé murit-Na, indon-Na e roti wo kumua mangé makapulu'sama' a si Amang Kasuruan, te'bi-te'biin-Na e roti itu, wo yéké-Na ai séra wo kumua, “Indono, si anioo en owak-Ku.”

Markus 6:41

Kekawus in itu indon i Yesus sé lima roti wo rua sera' itu. Sia kumanat angé an langit wo kumua i makapulu'sama' a si Amang Kasuruan. Wo te'bi-te'biin-Na e roti itu wo iwéé-Na a sé murit-Na, wosama' yéké éra a sé tou itu. Taniitu ka'i mai sé rua sera' itu, yéké-Na waya ai séra.

Markus 8:6

Wo iru'du'-Na sé tou keli itu lumukut an tana'. Kekawus in itu indon-Na sé pitu roti itu wo kumua i makapulu'sama' a si Amang Kasuruan, te'bi-te'biin-Na e roti itu wo iwéé-Na a sé murit-Na en yéké, wo yéké éra e roti itu a sé tou keli.

Lukas 22:19

Kekawus in itu indon-Na e roti, wo kumua mangé makapulu'sama' a si Amang Kasuruan. Wo te'bi-te'biin-Na e roti itu, yéké-Na ai séra, icua-Na, “Si anioo en owak-Ku si aisarakan torona miow. Émaano mangé en anio' en tuma'néi Yaku!”

Lukas 24:29

Taan peleséén éra Sia wosama' tumuli. Icua éra, “Mentoo am bia'i mewali-wali wo icami, ampa'paan tawio mawengi wo ka'i mekeremo.” Wo si Yesus muntep am balé itu wo mento' mewali-wali wo iséra.

Lukas 24:35

Wo isisil ka'i é rua tou itu andumoro' in sapa e imamuali ai séra in dua an uner im bawayaan maangé an Emaus wo ka'i tambisa séra ro'na makatuus si Apo' Yesus an tutuw Sia mene'bi-ne'bi' i roti.

Lukas 9:16

Kumawus in itu, indon i Yesus en lima roti wo rua sera'. Wo Sia kumanat angé an langit wo kumua i makapulu'sama' a si Amang Kasuruan. Kumawus in itu e roti wo en sera' itu te'bi-te'biin-Na wo iwéé-Na a sé murit-Na en yéké a sé tou keli itu.

Yohanes 6:11

Wo indon i Yesus e roti itu, wo Sia kumua i makapulu'sama' a si Amang Kasuruan wo yéké-éké-Na ai séra sé makalukut. Taniitu ka'i e niéma'-Na a sé sera' itu. Wo séra kuman akar imawesu.

Kisah Para Rasul 2:42

Séra mengali'us mewali-wali wo le'tek mengalinga sé ruru'du'an mengasusui in andumoro' i Yesus. Wo séra tatap mengaéma' im perjamuan wo mengasombayang.

Kisah Para Rasul 2:46

Wo susur in endo séra le'tek mewali-wali wo meesa en até mengali'us ang am Balé Le'nas. Séra mengaéma' im perjamuan mewali-wali ang karapi in arui wo lekep en até si pagilir am balé-walé.

Kisah Para Rasul 27:35

Kekawus sia kumua in taniitu, sia mindo roti wo kumua mangé makapulu'sama' a si Amang Kasuruan an dior éra waya. Te'bi-te'biinna e roti wo tumo'tolo kuman.