Lukas 24:25 - En Taar Weru a nunuwu' é Tontemboan

²⁵ Wo icua i Yesus ai séra in dua, “Kamu anio' taloso bodok. Taloso ngenger en até miow e mercaya pakasa sé aicuao é nabi ang Kitap Le'nas.

Lukas 24:25 ပူးပေါင်းရင်းမြစ်များ

Matius 26:24

Si Toyaang i Tou maté oka tanu in aipatic ang Kitap Le'nas andumoro' Sia. Taan icawangkuro mio' si tou sumarakan Sia, aweso taré si tou itu ra'ica aitou ang kayo'baan.”

Markus 16:14

Ang kasiwakanna, si Yesus mapaturu' in owak-Na a sé sangapulu' esa murit-Na. An tutuw itu séra ang karoro'an i makan. Wo romaan-Na séra ampa'paan ing kaketéan in até éra wo ra'ica mercaya a sé tou sé isuméréo Sia itumou sumawel.

Markus 7:18

Wo isowat-Na ai séra, “Ra'ica réén kaangéan iow en andéan itu? Ra'ica réén kailekan iow sapaoka sapake' sé ang kesot owo sé muntep am ba'ba' i esa tou ra'ica iméma' sia manajis,

Markus 9:19

Wo icua i Yesus ai séra, “Éi camu sé tou ra'ica maéman, akar kawisa réén Aku musti mento' an uner iow? Wo akar kawisa réén Aku talesen ang karapi miow? Iwalio mai si toyaang itu am bia'i!”

Lukas 24:24

Kelinga in itu, piraan tou karapi ami mangé ka'i ang kubur itu wo sérén éra sapaoka pakasa sé aicua é wéwéné itu wutul. E mayat i Yesus ra'io kaséréan éra.”

Yohanes 5:39

Eng Kitap Le'nas pengati'tiren iow in sumama-sama' ampa'paan paweroten iow ang karapi imaéma' in taniitu kamu makéré oka ing katouan akar ing kauré-uré uré. Wo an untep ing Kitap Le'nas itu awéan aipatic andumoro' si séi Aku en ulitna,

1 Korintus 15:3

Aicuakuo ai camu en abar si kumataré-taré, abar sé tinerimaku in esa, sapaoka si Kristus matéo wosama' eng kamesé-meséaanta tu'busen-Na, tanu si aipatic ang Kitap Le'nas.