Lukas 23:34 - En Taar Weru a nunuwu' é Tontemboan

³⁴ Wo si Yesus sumombayang, “O Amang, ampunganai séra, ampa'paan ra'ica kailekan éra sapa em pengaémaan éra.” Wo pewéténgen éra eng karai i Yesus ang kerapi in lumotréi.

Lukas 23:34 ပူးပေါင်းရင်းမြစ်များ

Matius 11:25

An tutuw itu si Yesus sumombayang, “O Amang Kasuruan si makakawasa in langit wo ing kayo'baan! Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé mengapaké ing kapinteran wo a sé tou pandéi, taan aituru' i Amang a sé tou en aténa tanu toyaangé' teké'.

Matius 11:26

O Amang, siituo e iméma' in até i Amang arui.”

Matius 5:44

Taan icua-Ku mangé ai camu, icaupuso mangé sé kaséké' miow wo isombayango mangé sé mengaokoi icamu.

Markus 15:24

Kekawus éra sumalip Sia, wéténgen éra eng karai-Na ang kerapi in lumotréi en tumantu si séi e makéré.

Lukas 22:42

“O Amang-Ku, sa woo ro'na, angkaien woo mai eng kawenduan anio' a Yaku. Taan ra'ica iciit ing kasalé'an-Ku e mamuali, mandéo kasalé'anke' i Amang e mamuali.” [

Yohanes 17:9

Anaé, intarépé' séra ipasombayang-Ku. Taan ra'ica ipasombayang-Ku sé tou sé ra'ica maéman ang kayo'baan anio', sé ipasombayang-Ku séra sé aisarakan i Amang a Yaku, ampa'paan séra itu anu i Amang.

Yohanes 19:11

Isowat i Yesus, “Ico ra'ica makaanu kawasa sapa-sapa a Yaku sa eng kawasa itu ra'ica aiwéé mai ai co an dangka' owo. Ampa'paan in itu si tou sumarakan Yaku ai co, eng kamesé-meséaanna lébé uter wo eng kamesé-meséaanmu.”

Kisah Para Rasul 16:28

Taan si Paulus mangko', icuana a si capala im bui itu, “Éi amang! Tioo maté in owak! Kami im baya am bia'ié'.”

Kisah Para Rasul 3:17

Poo-poow, kailekanku kamu wo pakasa sé kikiiten iow e maté si Yesus ampa'paan ra'ica kailekan iow sapa e niéma' miow.

Kisah Para Rasul 7:60

Sia kumundu wo maangko', “O Apo' Yesus, tioo ukumen séra ampa'paan i méma' ing kamesé-meséaan anio'!” Kekawusna kumua in taniitu, sia maté.

Roma 12:14

Pangileko mangé kamang a si Amang Kasuruan wosama' kamangen-Na sé tou maokoi camu, pangileko mangé kamang wo tioo mengakutuk iséra.

1 Korintus 2:8

Wo ra'ica wana esa tou asé makatimboi ing kakawasaan asi kayo'baan anio' e makailek andumoro' ing kapinteran itu. Sa eng kapinteran itu kailekan éra, ra'ica aisalip éra si Apo' Yesus si parayo-rayo wo pasiri-siriin itu.

1 Korintus 4:12

Kami matawoi ang karapi ing keter ami in esa torona ing katouan ami. Sa awéan tou mangawa'ba' icami, pekiupusen ami a si Amang Kasuruan eng kumamangai séra. Sa awéan tou maokoi icami, sarun ami ang karapi in talesen wo ra'ica suliin ami.

1 Timotius 1:13

Indior aku maojat si Apo' Yesus. Paokoienku wo paséro'ku ka'i sé tou maéman ai Sia. Mandé in taniitu, aituru'-Na eng kaupusan-Na a yaku ampa'paan aku ra'ipé' maéman ai Sia si Toyaang i Amang Kasuruan wo ra'ica kailekanku sapa e niéma'ku.

1 Petrus 3:9

Wo tioo sé léwo' suliin iow in léwo', kuma'pa ipawa'ba' é tou suliin iow ka'i i mengawa'ba'. Mekiupuso mangé a si Amang Kasuruan wosama' séra wéan-Na mai ing kamang, ampa'paan kamu tinowa i Amang Kasuruan e méé ing kamang a sé tou walina wo in taniitu kamu ka'i makéré ing kamang.