Lukas 23:22 - En Taar Weru a nunuwu' é Tontemboan

²² Wo icua i Pilatus ing kumatelu a sé tou keli itu, “En ulitna, kaléwo'an sapa réén e niéma' i Tou anio'? Mandé esake', ra'ica wana eng kaléwo-léwo'an si kinéréanku ai Sia si patus makéré in ukumen patén. Anaé, ru'du'ku oka tou en sumambok Sia wo iwekarku oka.”

Lukas 23:22 ပူးပေါင်းရင်းမြစ်များ

Lukas 23:14

Wo icuana ai séra, “Si Tou anio' aiwalio miow a yaku wo icua miow sapaoka Sia mengasélé'kow sé tou in sususuien-Na en sumundur sé pemerénta. Intarépé' sérénai! Pineriksakuo Sia an dior iow, taan ra'ica kinéréanku mandé esake' eng kaléwo-léwo'an sé ipatudu miow ai Sia,

Lukas 23:16

Ampa'paano in itu, ru'du'ku oka tou en sumambok Sia, kumawusai in itu iwekarku oka.” [

Lukas 23:20

Icasalé' woo i Pilatus wekarna si Yesus, ampa'paan in ituo makasapé' ka'i si Pilatus kumua in taangko' a sé tou keli itu.

Lukas 23:21

Taan makarepetke' taré sé tou keli itu masowat in taangko' a si Pilatus, “Isalipo Sia, isalipo Sia!”

Lukas 23:23

Taan pelesé-leséén érake' taré si Pilatus wo séra mengangko-ngangko' wo tumuntut wosama' si Yesus isalip. Sumiwakio' isérake' e imuntung, ampa'paan séra mengangko-ngangko'.

Lukas 23:4

Wo icua i Pilatus a sé kikiiten é imam wo a sé tou keli am bitu, “Ra'ica kinéréanku eng kaséaan i Tou anio' mandé esake'.”

1 Petrus 1:19

taan kamu tinu'buso in enda' i Kristus si sosor keli em bééna. Sia ayandé tanu si ana' i domba makaowak lumoo-loor si pinaté mamuali raragés a si Amang Kasuruan.

1 Petrus 3:18

Ampa'paan si Kristus imatéo wayake' imakasa en tumu'bus ing kamesé-meséaanta. Sia ra'ica wana kaséaan, taan Sia imaté torona icita sé mengéma-ngéma' ing kamesé-meséaan, wosama' kita ro'na ipakawali-Na mangé a si Amang Kasuruan. Sia pinaté an tutuw-Na imamuali Tou, taan Sia tinou sumawel i Roh Le'nas.