Lukas 23:13 - En Taar Weru a nunuwu' é Tontemboan

¹³ Wo li'usen i gubernur Pilatus sé kikiiten é imam, sé matu'a é tou Yahudi wo ka'i sé tou éra.

Lukas 23:13 ပူးပေါင်းရင်းမြစ်များ

Markus 15:14

Wo wuéien ka'i i Pilatus ai séra, “Sapa réén eng kaléwo-léwo'an niéma'-Na?” Taan makarepetke' taré séra maangko', “Isalipo Sia!”

Lukas 23:35

Keli sé tou makatulung am bitu wo sinéré éra waya sapa sé imamuali. Ang karoro'an in itu, sé kikiiten é tou Yahudi maséro' Sia, icua éra: “Sé tou walina ro'na lowiren-Na, intarépé', sa Sia wutu-wutul Mesias, Tou sinisir i Amang Kasuruan, mandéo Sia lumowir in owak-Na in esa.”

Lukas 24:20

Taan Sia aisarakan é kikiiten é imam wo sé kikiitenta tou Yahudi a sé pemerénta Romawi in ukumen patén. Wo Sia aisalipo éra.

Yohanes 12:42

Mandé in taniitu, kelike' asé kikiiten é tou Yahudi mercaya a si Yesus. Taan ra'ica kiim éra mangaku im paémanen a sé tou, ampa'paan caindé' éra péronen é tou Farisi e muntep am balé paapo'an é agama Yahudi.

Yohanes 19:4

Wo si Pilatus kumesot sumawel wo icuana a sé tou Yahudi, “Séréno, icesotku si Tou anio' ai camu wosama' kailekan iow sapaoka Sia, mandé esake' eng kaséaan-Na ra'ica wana eng kinakéréanku.”

Yohanes 3:1

Awéan esa tou makangaran Nikodemus. Sia itu tou Farisi wo kikiiten é agama Yahudi.

Yohanes 7:26

Taan séréno, Sia ra'ica wana eng kaindé'anai mapaar an dior é tou keli wo ra'ica wana sapa-sapa en icua mai é kikiiten itu ai Sia. Wona' réén kailekano éra sa Sia itu wutu-wutul Kristus, Kolano Lumolowir?

Yohanes 7:48

Awéan réén esaan asé kikiiten é agama Yahudi kuma'pa tou Farisi si mercaya ai Sia?

Kisah Para Rasul 13:27

Sé tou maento' an Yerusalem wo ka'i sé kikiiten éra ra'ica makatuus si Yesus, ampa'paan in ituo séra meesa wosama' Sia ukuman patén. Anaé, linekepo éra sapa sé ipakua é nabi andumoro' Sia si pemaca-macan iow susur in endo Sabat.

Kisah Para Rasul 3:17

Poo-poow, kailekanku kamu wo pakasa sé kikiiten iow e maté si Yesus ampa'paan ra'ica kailekan iow sapa e niéma' miow.

Kisah Para Rasul 4:5

Asi woondona mai, sé kikiiten é tou Yahudi, sé matu'a wo sé makailek wutul in Torat sumidang an Yerusalem.

Kisah Para Rasul 4:8

Si Petrus si kinawasa i Roh Le'nas sumowat ai séra, “Éi, kikiiten wo matu-matu'a é tou Yahudi!