Lukas 22:38 - En Taar Weru a nunuwu' é Tontemboan

³⁸ Wo icua é murit-Na, “Guru sérénai, am bia'i awéan rua sa'bel.” Isowat i Yesus ai séra, “Nomoo.”

Lukas 22:38 ပူးပေါင်းရင်းမြစ်များ

Matius 26:51

Taan esaan asé tou si makii-kiit si Yesus, kumémbut in sa'belna wo parakenna en lunteng i ata imam wangko' akar imarembus.

Lukas 22:36

Isowat éra, “Ra'ica wana.” Wo icua-Na, “Taan intarépé', si séi si makaanu papumpunan in doit kuma'pa sompoi pawalunan, aweso taré paalin. Wo si séi si ra'ica makaanu sa'bel, aweso taré iwangkéro en juba wo iteleso mangé sa'bel.

Lukas 22:49

An tutuw sérén é murit i Yesus sapa e mamuali oka, wo wuéien éra a si Yesus, “Guru, serangen ami réén séra maké in sa'bel?”

Yohanes 18:36

Isowat i Yesus, “Eng Kakolanoan-Ku ra'ica asi cayo'baan anio'. Sa eng Kakolanoan-Ku asi cayo'baan anio', tantu sé makiit Yaku sumundur oka wosama' Aku ra'ica isarakan a sé tou Yahudi. Taan eng Kakolanoan-Ku ra'ica asi cayo'baan anio' owo.”

1 Tesalonika 5:8

Taan kita anio' sé maéman a si Casuruan, musti kumawasa in owak tanu ing katouan é tou in sendot. Kita ka'i musti maéman a si Amang Kasuruan wo meupu-upusan, siituo en tuméir icita aipeputé wo si suraro mengapaké ing karai bési pari'dir in owak. Kita ka'i musti mauli-ulit maarap sapaoka kita lowiren oka i Casuruan, aipeputé wo si suraro makapaké in topi waja en tuméir in do'kosna.

1 Petrus 5:9

Musti sunduren iow si kikiiten é sétang ang karapi im paémanen keter. Ampa'paan kailekan iow ka'i sapaoka sé poo-poow iow an esa paémanen am bisa-wisa ang kayo'baan imendamo ing kawenduan meputé im pinendam iow.