Lukas 22:26 - En Taar Weru a nunuwu' é Tontemboan

²⁶ Taan kamu ra'ica toro taniitu. Si séi si mangko-wangko' an uner iow, sia musti tanu tou si makawawa-wawa'. Wo si mamuali kikiiten, musti tanu ata si maselewir a sé im pakasa in tou.

Lukas 22:26 ပူးပေါင်းရင်းမြစ်များ

Matius 20:26

Taan kamu ra'ica toro mengaéma' tanu siitu! Si séike' e masalé' mamuali tou wangko', aweso taré' sia sumelewir icamu.

Markus 10:43

Taan kamu ra'ica toro mengataniitu! Si séike' e masalé' mamuali tou wangko' an uner iow, aweso taré' sia sumelewir icamu.

Markus 9:35

Si Yesus lumukut wo tumowa sé sangapulu' rua murit-Na. Icua-Na ai séra, “Si séi e masalé' mamuali tou kumataré-taré, sia musti mamuali tou sumomo-somoi asé im pakasa é tou wo mengaselewir séra.”

Lukas 9:48

Icua-Na a sé murit-Na, “Si séi en sumungkul si toyaang teké' anio' ang karapi in arui en até ampa'paan makiit Yaku, sia sumungkulo Yaku. Wo si tou isumungkul Yaku, sia isumungkulo si Amang Kasuruan si imutus Yaku. Anaé, si séi si mawerot in owakna tou wawa', siao itu si tou iparangka-rangka'.”

Roma 12:2

Tioo pakiiten iow em peri é tou sé ra'ica makatuus i Amang Kasuruan. Taan iwayao mio' em pakawerot iow werun i Amang Kasuruan wosama' em pakawerot iow mawalina. Wo in taniitu ro'na kakailekan iow eng kasalé'an-Na: siituo sé loor wo lekep, wo si mengaéma' in até-Na arui.

1 Petrus 5:3

Wo tioo kamu asalo kaperé-perénta sé jamaat sé aitoké i Casuruan ai camu, taan kamu musti mamuali paandéan loor ai séra.

1 Petrus 5:5

Kamu é tou wo'bas, kamu musti le'tek a sé tou sé lébé matu'a. Wo kamu im baya sé maémano, kamu musti mensen-selewiran ang karapi ing ko'kos en até, ampa'paan ang Kitap Le'nas aicua in tana'i, “Si Amang Kasuruan oka en sumundur sé tou tirayo, taan sé tou ko'kos en até icaupus-Na.”