Lukas 21:37 - En Taar Weru a nunuwu' é Tontemboan

³⁷ Susur in endo si Yesus masusui am Balé Le'nas wo an tutuw imawengio, Sia mangé mento' an Tolaina in Zaitun.

Lukas 21:37 ပူးပေါင်းရင်းမြစ်များ

Matius 21:1

An tutuw i Yesus wo sé murit-Na tawio in Yerusalem wo icateka' am Betfage si an Tolaina in Zaitun, wo ru'du'-Na sé rua murit-Na.

Matius 21:17

Kumawus in itu, itela'u-Na séra. Sia kumesot in Yerusalem mangé an doong Betania wo Sia mento' sanga wengi am bitu.

Matius 26:30

Kekawus éra kumantar ing kakantaren rarayoan wo si Yesus wo sé murit-Na mangé an Tolaina in Zaitun.

Matius 26:55

Wo an tutuw ituke', icua i Yesus a sé tou keli sé mai itumangka' Sia, “Paweroten iow réén Aku anio' tou léwo' akar kamu mai tumangka' Yaku maali-ali in sa'bel wo im papangkur? Susur in endo penéré-nérén iow Aku makalukut masusui am Balé Le'nas, wo ra'ica tinangka' miow Aku.

Markus 11:12

Mando mai, si Yesus wo sé murit-Na kumesot am Betania. An uner in lalan, si Yesus makapendamo in arem.

Markus 11:19

Ampa'paan i mekeremo, si Yesus wo sé murit-Na kumesot an Yerusalem.

Markus 14:49

Susur in endo penéré-nérén iow Aku masusui am Balé Le'nas, wo ra'ica tinangka' miow Aku. Taan mémang taniitu, wosama' en aipatic ang Kitap Le'nas musti lekepen.”

Lukas 19:29

An tutuw matawio im Betfage wo im Betania sé roong an Tolaina si makangaran Zaitun, si Yesus rumu'du' sé rua murit-Na.

Lukas 19:37

An tutuw Sia matawio in Yerusalem, an lalan maperos in Tolaina in Zaitun, pakasa é tou sé makiit Sia tumo'tolo maaru-arui wo marayo-rayo si Amang Kasuruan in suara taangko' ampa'paan pakasa eng kakaya'kaan sé sinéréo éra.

Lukas 19:47

Susur in endo si Yesus masusui am Balé Le'nas. Sé kikiiten é imam é tou Yahudi wo sé makailek wutul in Torat wo sé tou pasiri-siriin é tou Yahudi rumaméji maté Sia.

Lukas 22:39

Kumawusai in itu, si Yesus mangé ang kesot ing kota wo mangé an Tolaina in Zaitun tanu ing kanaramen-Na. Sé murit-Na ka'i kumiit angé Sia.

Yohanes 12:1

Enemé' ngando ka'i en témpona in endo wangko' Paska, si Yesus icateka'o an doong Betania am paento'an i Lazarus si tou tinou sumawel i Yesus am papaté.

Yohanes 18:2

Si Yudas, si tou eng kumianat si Yesus, makailek ka'i in tampa itu, ampa'paan si Yesus wo sé murit-Na makakeli-keli mali'us am bitu.

Kisah Para Rasul 1:12

Kumawusai in itu, sé ruru'du'an itu meroso an Tolaina in Zaitun wo maréng angé sumawel an Yerusalem. Eng katayangna in tolaina itu wayake' wona' in esa kilometer an Yerusalem.