Lukas 21:27 - En Taar Weru a nunuwu' é Tontemboan

²⁷ Asi témpo itu sérén oka é tou si Toyaang i Tou mai ang kayo'baan pakasaputen ing kambung. Sia mai ang karapi pakasa ing kawasa wo ing kawangko'-Na.

Lukas 21:27 ပူးပေါင်းရင်းမြစ်များ

Matius 24:30

An tutuw itu, an langit kaséréan oka awéan tuus i Toyaang i Tou, wo pakasa sé bangsa ang kayo'baan maamé' oka. Séra suméré oka si Toyaang i Tou itu mai an dangka' ing kambung-kambung ang karapi waya ing kawasa wo ing kawangko'-Na.

Matius 25:31

“Sa si Toyaang i Tou maai ang karapi i rarayo wo in sisiri'-Na mewali-wali wo sé malaékat-Na, Sia lumukut oka am palukutan pasiri-siriin.

Matius 26:64

Wo isowat i Yesus, “Si Amango in esa en cumua in itu. Taan icua-Ku ai camu, tumo'tol asi oras anio' kaséréan iow oka si Toyaang i Tou makalukut ang kakan i Makakawasa, wo mai ang kayo'baan an dangka' ing kambung-kambung an langit.”

Markus 13:26

Asi témpo itu, sérén oka é tou si Toyaang i Tou mai ang kayo'baan pakasaputen ing kambung-kambung. Sia mai ang karapi pakasa ing kawasa wo ing kawangko'-Na.

Lukas 21:26

Sé tou wutu-wutul tawio maté in indé' an tutuw suméré waya in tuu-tuus sé ra'io icakua mai ang kayo'baan, ampa'paan eng kawasa-kawasa an langit malicoko oka.

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.

Wahyu 14:14

Kekawus in itu kaséréanku esa kambung kulo' wo am bawo ing kambung itu awéan esa tou makalukut. Sia itu tanuoka si Toyaang i Tou. En do'kos-Na pinakéan i mahkota mas, wo eng kama-Na makatimboi esa pagi' telew.