Lukas 21:23 - En Taar Weru a nunuwu' é Tontemboan

²³ Wo si kala'meren asi témpo itu, sé wéwéné maowa-owak wo sé pasusuané' é toyaang makatoué', uli-ulit mawendu oka keli, ampa'paan am pakasa in tana' anio' sumangkum oka ing kawenduan wangko' wo sé tou am bitu ukumen oka i Amang Kasuruan in uli-ulit uter.

Lukas 21:23 ပူးပေါင်းရင်းမြစ်များ

Matius 21:16

Wo icua éra a si Yesus, “Pinalinga-Mu sé ipaangko' é toyaang itu?” Isowat i Yesus ai séra, “Én, pinalinga-Ku. Ra'ipé' réén binaca miow si aipatic ang Kitap Le'nas si cumua in tana'i, ‘Aisusui-Muo a sé toyaang teké' wo a sé toyaang masusupé' e rumayo i makakii-kiit.’ ”

Matius 21:41

Isowat éra a si Yesus, “Tantu paténna oka sé tou léwo' itu, wo en umana itu iséwana oka a sé matawoi walina sé masalé' méé im buéna in uma itu ai sia an orasna in upuun.”

Matius 21:44

Wo si séike' en lumepok asi watu itu, sia mamu'muk oka. Wo si séi e rongkoran im batu itu, sia makamu'mu-mu'muk oka tanu awu.]”

Matius 24:19

Wo eng kala'meren keli asi témpo itu sé wéwéné maowa-owak kuma'pa sé pasusuané' é toyaang makatoué'.

Markus 13:17

Wo si kala'meren keli asi témpo itu, sé wéwéné maowa- owak kuma'pa sé pasusuané' é toyaang makatoué'.

Lukas 19:27

Wo intarépé', pakasa sé kaséké'ku itu sé ra'ica masalé' yaku mamuali kolano éra, iwali mai wo patén an diorku!’ ”

Lukas 19:43

Taan maai oka en endona, ko li'ciren oka ing kakala' é kaséké'mu, yémbong éra oka wo am bisa-wisake' mai serangen éra.

Lukas 23:29

Ampa'paan maai oka en témpona sé tou sumangkum oka ing kawenduan, akar sé tou makua oka in tana'i, ‘Pakakamangeno si wéwéné ra'ica kawisa maowa-owak, wo si wéwéné ra'ica kawisa méé toyaang wo si wéwéné ra'ica kawisa sumusu toyaang.’

1 Korintus 7:26

Pawerotenku tana'i: tuma'néi asi témpo ya'sa kelian kasusaan, lébé loor kamu ra'ica rumoba sapa-sapa asi katouan iow.

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.

Ibrani 13:16

Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.

Yakobus 5:1

Éi kamu tou siya', aweso taré kamu intarépé' maamé'o mangé in sesendu'an ampa'paan kamu tenan oka ing kasusaan.

1 Petrus 4:17

Ampa'paan intarépé' an témponao pakasa in tou akimen i Amang Kasuruan wo eng kataré akimen-Na, sé tou-Na in esa. Wo sa kita sé tou-Na eng kataré akimen-Na, tambisa réén e mamuali sa a sé tou sé ra'ica maéman in Abar Kaaruien-Na?