Lukas 20:46 - En Taar Weru a nunuwu' é Tontemboan

⁴⁶ “Mareti-retio mangé kamu a sé makailek wutul in Torat, sé masalé' mawaya-waya' mepaké in juba wo masalé' pengasiriin ang kakelian in tou tanumai am pasar. Wo masalé' ka'i mengalukut an tampa pasiri-siriin am balé paapo'an é agama Yahudi wo am pésta-pésta.

Lukas 20:46 ပူးပေါင်းရင်းမြစ်များ

Matius 16:6

Icua i Yesus ai séra, “Matéi-téiro wo maténga-téngamo andumoro' i ragi é tou Farisi wo Saduki.”

Matius 23:1

Wo icua i Yesus a sé tou keli wo a sé murit-Na,

Markus 8:15

Wo ita'néi i Yesus ai séra, “Matéi-téiro wo maténga-téngamo andumoro' i ragi é tou Farisi wo ragi i Herodes.”

Lukas 11:43

Éi kamu sé tou Farisi, icawangkuro mio' kamu! Ampa'paan kamu masalé' mengalukut an tampa pasiri-siriin am balé-walé paapo'an é agama Yahudi wo masalé' pasiri-siriin é tou am pasar.

Lukas 12:1

Asi témpo itu, mariwu-riwu tou mali'usai akar séra meréngké-réngké'an oka. Wo si Yesus tumo'tolo sumusui, eng kataré-taré a sé murit-Na, icua i Yesus, “Mareti-retio mangé kamu a sé tou Farisi. Séra itu punek, paturu' éra sapaoka séra makiit ing kasalé'an i Casuruan, taan en ulitna séra ra'ica maéma' ing kasalé'an-Na. Em pakatawér éra itu, kaputé i ragi aiwéé an adonan ing kukis wosama' eng kukis itu ruméis.

Lukas 14:7

Wo si Yesus meméé-méé rékén a sé sakéi sé nienot, masisirke' im palukutan pasiri-siriin an dior, ampa'paano in itu icua-Na esa sususuien anio' ai séra,

Lukas 20:47

Wo ka'i mengauwak sé wéwéné balu e maandét im balé éra. Wo mengaakal ka'i sé tou mengasombayang in lalambotan wosama' paanggapen é tou loor. Séra itu tantu makéré oka in ukuman si uter keli.”

Roma 12:10

Meupu-upusano mangé kamu si esa wo si esa tanu mepoow an esa paémanen. Wo kamu mengarior angé mawéé in siri' a sé tou walina.

2 Timotius 4:15

Sia uli-ulit mengakélong in sususuien si aisusuitao. Ampa'paan ituo ko musti mareti-reti ai sia.

3 Yohanes 1:9

Yaku imatico in surat kolek a sé jamaat, taan si Diotrefes si masalé' mamuali kikiiten an jamaat, sia ra'ica kiim luminga yaku.