Lukas 20:38 - En Taar Weru a nunuwu' é Tontemboan

³⁸ Si Abraham, Ishak wo si Yakub imatéo, taan kailekan i Amang Kasuruan sapaoka séra touen oka sumawel. Anaé, si Amang Kasuruan itu ra'ica Amang Kasuruan é tou imaté, taan Amang Kasuruan é tou menonou. Ampa'paan an dior i Amang Kasuruan pakasa e roh é tou menonou, mandé ka'i en owak éra imatéo.”

Lukas 20:38 ပူးပေါင်းရင်းမြစ်များ

Matius 22:32

‘Yakuo si Amang Kasuruan si pengaapo'an i Abraham, i Ishak wo si Yakub.’ An tutuw i Amang Kasuruan icumua in itu, si Abraham, Ishak wo si Yakub imatéo, taan séra kasake' menonou mewali-wali wo Sia. Anaé, si Amang Kasuruan itu ra'ica Kasuruan é tou imatéo, taan Kasuruan é tou menonou.”

Markus 12:27

Asi témpo itu si Abraham, si Ishak wo si Yakub imatéo taan tumou sumawel wo mewali-wali wo si Amang Kasuruan an sorga. Anaé, si Amang Kasuruan ra'ica Kasuruan é tou imaté taan Kasuruan é tou menonou. Kamu wutu-wutul isuméa'o.”

Lukas 20:39

An tutuw luminga in aisowat i Yesus wo icua é piraan tou sé makailek wutul in Torat, “Guru, en aisowat-Mu itu wutul!”

Yohanes 14:19

Ra'io uré ka'i, Yaku ra'io sérén é tou ang kayo'baan anio', taan sérén oka ka'i miow Aku ampa'paan Yaku tumou oka sumawel. Yaku tumou sumawel, anaé kamu ka'i tumou oka sumawel.

Yohanes 6:57

Si Amang-Ku palemboian ing katouan. Siao si mutusai Aku, wo Aku menonou ampa'paan i Amang. Taniitu ka'i si séike' eng kuman in owak-Ku menonou oka akar ing kauré-uré ampa'paan Yaku.

2 Korintus 13:4

Wutul an tutuw i Kristus aisalip, Sia lembi, taan Sia menonou ampa'paano ing kawasa i Amang Kasuruan. Kami ka'i ra'ica keter tanu si Kristus, taan kami ka'i menonou tanu si Kristus ampa'paano ing kawasa i Amang Kasuruan. Anaé, tindaken oka ami ang karapi ing kawasa i Amang Kasuruan torona ing kalooran iow.

2 Korintus 6:16

Awéan réén em puténa walé i Amang Kasuruan wo im paapo'an é opo-opo'? Kita anio' walé paento'an i Amang Kasuruan si menonou. Si Amang Kasuruan in esa icumua: “Mento' oka Aku an uner éra wo menonou mewali-wali wo iséra. Yaku mamuali oka Amang Kasuruan éra, wo séra mamuali oka tou-Ku.”

Ibrani 11:16

Taan intarépé' séra lumelo si esa roong en lébé loorai, siituo si roong an sorga. Ampa'paano in itu si Amang Kasuruan ra'ica malawi' im patuulen Amang Kasuruan éra, ampa'paan aitu'tulo i Amang Kasuruan ai séra esa kota.

Wahyu 22:1

Wo ituru' ka'i i malaékat a yaku en doyongan in dano ing katouan, en danona léno kaputé ing kristal. Wo en doyongan itu makesotai asi palukutan pasiri-siriin i Amang Kasuruan wo asi palukutan pasiri-siriin i Toyaang i Domba,