Lukas 20:36 - En Taar Weru a nunuwu' é Tontemboan

³⁶ Ampa'paan séra ra'io kawisa maté kaputé é malaékat sé ra'ica maté. Wo sé tou itu toya-toyaang i Amang Kasuruan ampa'paan séra tinou-Nao sumawel am papaté.

Lukas 20:36 ပူးပေါင်းရင်းမြစ်များ

Matius 22:30

Ampa'paan asi endo sé tou imatéo touen sumawel, séra ra'io kumawéng wo kawéngen. Taan séra menonou oka meputé wo sé malaékat an sorga.

Markus 12:25

Sé tou imatéo wo tumou sumawel, séra ra'io kumawéng wo kawéngen, taan séra menonou oka meputé wo sé malaékat an sorga.

Roma 8:16

Wo e Roh i Amang Kasuruan itu kumetero in atéta sapaoka kita toya-toyaang i Amang Kasuruan.

1 Korintus 15:26

Si kaséké' en sosomoi kalan i Kristus, siituo em papaté.

1 Korintus 15:42

Taniitu ka'i e mamuali sa a sé tou imatéo an tutuw éra in touen sumawel. En owak si aicubur itu si owak ro'na mawuruk, taan si owak tinou sumawel, owak ra'ica kawisa maléwo'.

1 Korintus 15:49

En owakta intarépé' meputé wo in owak i Adam si niéma' an tana' owo. Taan maai oka sa en owakta meputé wo si Kristus si an sorga owo.

Filipi 3:21

An tutuw Sia maai, roban-Na oka en owakta si ra'ica keter wo si ro'na materi anio', mamuali tanu in owak-Na si parayo-rayo wo pasiri-siriin. Sia ro'na méma' in itu ampa'paan Sia makaanu ing kawasa si makawoo méma' im baya-waya kumuru ai Sia.

Wahyu 20:6

Pakakamangen wo line'naso sé tou sé kataré-taré tinou sumawel! Em papaté karua ra'io kumawasa iséra. Taan séra mamuali oka imam-imam sé mengaselewir a si Amang Kasuruan wo a si Kristus, wo séra ka'i merénta oka mewali-wali wo Sia sangariwu ngata'un eng kauréna.

Wahyu 21:4

Wo pisin-Na oka waya en dano im beren éra, wo ra'io wana ka'i em papaté. Ra'io wana ka'i e mala'lu kuma'pa e maamé' kuma'pa eng kawenduan, ampa'paan am baya-waya sé uré itu lumangkoio.”

Wahyu 22:9

Taan icua i malaékat itu a yaku, “Tioo méma' taniitu! Yaku asaloke' ata, kaputému wo kaputé é poo-poowmu an esa paémanen, sé nabi wo pakasa in tou sé makiit sapa sé aipatico ang kitap anio'. Apoono mangé si Amang Kasuruan.”