Lukas 20:26 - En Taar Weru a nunuwu' é Tontemboan

²⁶ Anaé, Sia ra'ica kinata'kongan é tou mawere-weren itu an tutuw Sia sumowat séra an dior é tou keli itu. Taan taré séra mangaya-ngaya'ka' luminga in aisowat-Na akar séra makapenes oka.

Lukas 20:26 ပူးပေါင်းရင်းမြစ်များ

Matius 22:12

Wo wuéien i colano a si sakéi itu, ‘É karapi, tumambisako imuntepai am bia'i ra'ica mekarai ing karai im pésta?’ Taan si tou itu makapeneske'.

Matius 22:22

Kelinga in itu séra mangaya-ngaya'ka' wo itela'u éra si Yesus wo mangém.

Matius 22:34

An tutuw é tou Farisi iluminga in aisowat i Yesus akar iméma'o sé tou Saduki ra'io icaroma' sapa-sapa, wo sé tou Farisi itu makala'us mali'us.

Matius 8:10

Kelinga in itu, si Yesus mangaya'ka' wo icua-Na ai séra sé makiit Sia, “En ulitna icua-Ku mangé ai camu, ra'ipé' kawisa ipeta'up-Ku em paémanen wangko' tanu si anio' mandé esake' tou an uner é tou Israel.

Lukas 11:54

Ang karoro'an in itu, peméa-méan éra rékén wosama' kéréan éra eng kaséaan i Yesus an sosowat-Na.

Lukas 13:17

En aisowat i Yesus itu, iméma' sé kaséké'-Na wutu-wutul malawi' taan sé tou walina masalé-salé' isuméré pakasa sé kakaya'kaan niéma' i Yesus.

Lukas 20:20

Wo si Yesus peméa-méan rékén é makailek wutul in Torat wo sé kikiiten é imam. Wo iru'du' éra mangé tou e mawere-weren si Yesus wo séra mapa in loor kéndo'. Sé tou itu mamuéi a si Yesus maké im buwuéien tanu kéndo' awéan si masalé' kailekan éra wosama' ro'na ta'kongen éra Sia. Wo sa Sia suméa' sumowat, isarakan éra oka Sia a si gubernur Romawi si makakawasa an sangkum itu en ukumen im patén.

Roma 3:19

Taan intarépé' kailekanta sapaoka pakasa sé aipatic an ukum Torat, torona é tou sé menonou pakakawasan in ukum Torat. Wo in taniitu ra'ica wana mandé esake' tou e ro'na méé alasan sapaoka en owakna wutul, anaé pakasa en tou ang kayo'baan meséa' an dior i Amang Kasuruan.

Titus 1:10

Icuaku in taniitu ampa'paan kelio sé tou masalé' mengasundur in sususuien wutul. An uner éra itu awéan tou Yahudi si maémano a si Yesus, pengasusuina sapaoka sé tou ra'ica Yahudi sa masalé' mamuali anggota jamaat musti sunaten owo. Séra itu mengauwak sé tou walina ang karapi in doroma' éra sé ra'ica wana en torona.