Lukas 20:24 - En Taar Weru a nunuwu' é Tontemboan

²⁴ “Ituru' mai a Yaku esa dinar! Gambar wo ngaran i séi asi roit anio'?” Isowat éra, “Gambar wo ngaran i Kaisar.”

Lukas 20:24 ပူးပေါင်းရင်းမြစ်များ

Matius 18:28

Taan kekesotai i ata itu am balé i colano, sia meta'up ka'i wo si carapina ata, si mutang ai sia sangaatus dinar. Wo tangkaanna si carapina itu wo kiselenna eng kolot, icuana, ‘Wérano mai en utangmu a yaku!’

Matius 20:2

An tutuw sia makéréo piraan tou en tumawoi, sia meroma' wo iséra en laasa iwérna ai séra sangando esa dinar. Wo iru'du'na séra mangé tumawoi an uma in anggorna.

Matius 22:20

Wo wuéien-Na ai séra, “Gambar wo ngaran i séi asi roit anio'?”

Markus 12:16

Wo iwéé éra ai Sia esa dinar wo wuéien-Na ai séra, “Gambar wo ngaran i séi asi roit anio'?” Isowat éra, “Gambar wo ngaran i Kaisar.”

Lukas 2:1

Ra'ipé' uré eng ketou i Yohanes, si Kaisar Agustus méé esa perénta rumu'du' pakasa sé touna ang kakolanoan i Romawi en dumaftar i ngaran éra.

Lukas 20:22

Anaé, wuiéien ami a si Guru, sa kumiit in atoran in agamata Yahudi, ro'na réén kami mér im pajak a si Kaisar kuma'pa ra'ica?”

Lukas 20:23

Taan kailekan i Yesus em basa éra léwo'. Ampa'paan in ituo icua-Na ai séra in tana'i,

Lukas 20:25

Wo icua i Yesus ai séra, “Sa taniitu iwééo mangé a si Kaisar sapa si musti iwéé miow a si Kaisar wo iwééo mangé a si Amang Kasuruan sapa si musti iwéé miow a si Amang Kasuruan.”

Lukas 23:2

Icateka' mangé am bitu, séra tumo'tolo matudu Sia, icua éra, “Sinéréo ami wo lininga amio sapaoka si tou anio' mengasélé'kow sé tou ami tou Yahudi. Wo pengapéron-Na sé tou mengawér im pajak a si Kaisar Romawi wo ka'i makua sapaoka Siao si Kristus si Colano.”

Lukas 3:1

Muntep asi ta'un sangapulu' lima si Kaisar Tiberius makatimboi ing kakawasaan ang kakolanoan Romawi, si Pontius Pilatus mamuali gubernur an Yudea wo si Herodes makatimboi ing kakawasaan ang Galilea. Wo si Filipus tuari toloateken i Herodes, makatimboi ing kakawasaan an Iturea wo an Trakhonitis. Si Lisanias makatimboi ing kakawasaan an Abilene,

Kisah Para Rasul 11:28

Esaan ai séra si makangaran Agabus pinaké i Roh Le'nas. Sia tumulung wo kumua, “Mai oka en témpona am pakasa ing kayo'baan tenan oka ing kaareman wangko'.” Wo eng kamamualian itu mamuali ka'i an jaman i Klaudius.

Kisah Para Rasul 26:32

Wo icua i colano Agripa a si Festus, “Si tou itu ro'nao woo iwekar sa sia ra'ica imangilek sumosor im perkarana en sidangen i Kaisar Romawi.”

Filipi 4:22

Pakasa in tou le'nas am bia'i, lébé-lébé ka'i séra sé an istana i Kaisar méé mai in siri' ai camu.