Lukas 20:22 - En Taar Weru a nunuwu' é Tontemboan

²² Anaé, wuiéien ami a si Guru, sa kumiit in atoran in agamata Yahudi, ro'na réén kami mér im pajak a si Kaisar kuma'pa ra'ica?”

Lukas 20:22 ပူးပေါင်းရင်းမြစ်များ

Matius 17:25

Wo isowat i Petrus ai séra, “Én, Sia mengawér.” Wo an tutuw i Petrus muntep am balé, sia rinioran i Yesus mamuéi “Simon, sa iciit ico, si séi e musti mengawér im pajak a sé kolano sé makatimboi ing kakawasaan ang kayo'baan anio'? Sé toyaang éra kuma'pa sé tou walina?”

Lukas 20:21

Icua é tou itu a si Yesus in tana'i, “Guru, kailekan ami pakasa sé aicua wo sé aisusui-Mu itu wutul wo si Guru ra'ica masisir tou em pasiriin, wo ka'i si Guru masusui ang karapi i makakii-kiit andumoro' ing kasalé'an i Amang Kasuruan.

Lukas 20:23

Taan kailekan i Yesus em basa éra léwo'. Ampa'paan in ituo icua-Na ai séra in tana'i,

Lukas 23:2

Icateka' mangé am bitu, séra tumo'tolo matudu Sia, icua éra, “Sinéréo ami wo lininga amio sapaoka si tou anio' mengasélé'kow sé tou ami tou Yahudi. Wo pengapéron-Na sé tou mengawér im pajak a si Kaisar Romawi wo ka'i makua sapaoka Siao si Kristus si Colano.”

Kisah Para Rasul 5:37

Kekawus sia, awéan ka'i esa tou makangaran Yudas tou Galilea. An tutuw sé pemerénta Romawi méma' sensus penduduk, towan i Yudas sé tou keli e meesa wo isia en sumundur sé pemerénta Romawi. Taan eng kasiwakanna, sia pinaté wo pakasa sé makiit isia icasera-serar.

Roma 13:7

Ampa'paan in ituo wérano sapa si patus wéran iow a sé pakasa in tou. Wérano mangé em pajak a sé pemerénta sa kamu musti mér im pajak, wo wérano mangé en cukai sa kamu musti mér in cukai. Wo pengalingan angé sé tou sé patus pengalingan iow, wo pengasiriin angé sé tou sé patus pengasiriin iow.