Lukas 20:20 - En Taar Weru a nunuwu' é Tontemboan

²⁰ Wo si Yesus peméa-méan rékén é makailek wutul in Torat wo sé kikiiten é imam. Wo iru'du' éra mangé tou e mawere-weren si Yesus wo séra mapa in loor kéndo'. Sé tou itu mamuéi a si Yesus maké im buwuéien tanu kéndo' awéan si masalé' kailekan éra wosama' ro'na ta'kongen éra Sia. Wo sa Sia suméa' sumowat, isarakan éra oka Sia a si gubernur Romawi si makakawasa an sangkum itu en ukumen im patén.

Lukas 20:20 ပူးပေါင်းရင်းမြစ်များ

Matius 27:2

Wa'kesen éra Sia wo iwali éra mangé en isarakan a si Pilatus, si gubernur am bitu.

Markus 3:2

Am bitu ka'i awéan piraan tou sé mawere-weren a si Yesus sa Sia sumama' si tou itu an endo Sabat, wosama' séra ro'na méé kaséaan ai Sia.

Lukas 11:54

Ang karoro'an in itu, peméa-méan éra rékén wosama' kéréan éra eng kaséaan i Yesus an sosowat-Na.

Lukas 20:21

Icua é tou itu a si Yesus in tana'i, “Guru, kailekan ami pakasa sé aicua wo sé aisusui-Mu itu wutul wo si Guru ra'ica masisir tou em pasiriin, wo ka'i si Guru masusui ang karapi i makakii-kiit andumoro' ing kasalé'an i Amang Kasuruan.

Lukas 20:26

Anaé, Sia ra'ica kinata'kongan é tou mawere-weren itu an tutuw Sia sumowat séra an dior é tou keli itu. Taan taré séra mangaya-ngaya'ka' luminga in aisowat-Na akar séra makapenes oka.

2 Petrus 2:3

Ampa'paan sé guru ra'ica wutul itu longi' in doit, séra masisil in sisisilen sé niéma' éra in esa torona muwak icamu. Ampa'paano sé niéma' éra itu, en ukuman éra uréo keli aitu'tulo i Amang Kasuruan wo em papaté éra ra'io ipauré-uré.