Lukas 20:14 - En Taar Weru a nunuwu' é Tontemboan

¹⁴ Taan an tutuw si toyaang i makauma itu sérén é tou matawoi in uma itu wo séra mengkuanan asi esa wo sé walina, ‘Siao e makaanu in uma anio' sa. Mayoo paténta sia, wo en uma anio' mamuali oka anuta.’

Lukas 20:14 ပူးပေါင်းရင်းမြစ်များ

Matius 16:7

Kelinga in itu, séra memero-merot wo mengkung-kuanan a si esa wo sé walina, “En itu aicua-Na, ampa'paan kita ra'ica imaali roti.”

Matius 21:25

Sa iciit icamu, si Yohanes Mabaptis maptis sé tou imaké réén ing kawasa i séi? Asi Amang Kasuruan owo kuma'pa asé tou owo?” Wo séra wo i séra mengkuanan, “Sa icuata, ‘Asi Amang Kasuruan owo’, tantu icua-Na oka ai cita, ‘Sa taniitu, kéitu réén sia ra'ica percayan iow?’

Matius 21:34

An orasnao en anggor upuun, iru'du'na sé atana mangé a sé matawoi an umana, e mangilek im buéna si mamuali bagéanna.

Lukas 19:47

Susur in endo si Yesus masusui am Balé Le'nas. Sé kikiiten é imam é tou Yahudi wo sé makailek wutul in Torat wo sé tou pasiri-siriin é tou Yahudi rumaméji maté Sia.

Lukas 20:13

Wo icua i makauma itu an untep in aténa, ‘Sapapé' e musti émaanku? Aweso taré iru'du'ku si toyaangku si paupu-upusku, tantu sia siriin éra oka.’

Lukas 20:15

Wo iwangkil éra sia ang kesot in uma in anggor itu wo patén éra. Intarépé', sapa en émaan i makauma in anggor itu ai séra?

Lukas 20:19

Kelinga in andéan aicua i Yesus, kailekano é makailek wutul in Torat wo sé kikiiten é imam sapaoka en andéan itu tumuru' iséra. Ampa'paan in ituo asi témpo ituke' raméjin éra in tumangka' Sia, taan caindé' éra sé tou keli.

Lukas 20:5

Wo séra mengkuanan a si esa wo si esa, “Sa icuata imaké ing kawasa asi Amang Kasuruan owo, tantu icua-Na oka, ‘Sa taniitu kéitu réén sia ra'ica percayan iow?’

Lukas 22:2

Sé kikiiten é imam wo sé makailek wutul in Torat maéré-éré lalan tumambisa e maté si Yesus, ampa'paan séra maindé' a sé tou keli.

Kisah Para Rasul 2:23

Si Yesus anio' aisarakano i Amang Kasuruan ai camu kiit im basa-Na. Wo Sia aisalip wo pinatéo miow ang karapi in sumarakan Sia a sé tou sé ra'ica makiit in ukum.

Kisah Para Rasul 3:15

Sia si Le'nas itu palemboian ing katouanta pinatéo miow taan Sia tinou sumawel i Amang Kasuruan an uner é tou imaté. Kamio e mamuali sairi sapaoka Sia tumou sumawel.

Roma 8:17

Wo sa kita toya-toyaang i Amang Kasuruan, kita awéan hak e makéré im bagéan asé im pakasa sé aitu'tulo i Amang Kasuruan torona é toyaang-Na. Wo terimanta oka en itu mewali-wali wo si Kristus. Wo sa kita mawendu meputé in sinangkumai i Kristus, kita ka'i tumerima oka i rarayo wo in sisiri' kaputé i Kristus.

Ibrani 1:2

Taan asé endo kaka'puan ing kayo'baan anio', si Amang Kasuruan maroma' ai cita mengapaké si Toyaang-Na in esa. Wo ampa'paano i Toyaang-Na anio', eng kayo'baan wo pakasa sé an untepna émaan i Amang Kasuruan. Wo aitantu-Nao sapaoka si Toyaang-Na awéan kaloasan makaanu im pakasa sé niéma'-Na itu.