Lukas 19:9 - En Taar Weru a nunuwu' é Tontemboan

⁹ Wo icua i Yesus ai sia, “Asi endo anio', pakasa sé am balé anio' linowiro i Amang Kasuruan, ampa'paan ko wutu-wutul maéman a si Amang Kasuruan meputé si apo'mu Abraham.

Lukas 19:9 ပူးပေါင်းရင်းမြစ်များ

Lukas 13:16

Am bia'i awéan esa wéwéné taranak i Abraham, sia sangapulu' walu ngata'uno kinawasa i kikiiten é sétang. Suméa' réén sa sia iwekar ang kakawasaan i kikiiten é sétang asi endo Sabat?”

Lukas 13:30

En ulitna, awéan sé tou sumomo-somoi mamuali oka tou kumataré-taré wo awéan sé tou kumataré-taré mamuali oka tou sumomo-somoi.”

Lukas 16:24

Wo si tou siya' itu maangko' mangé icuana, ‘Amang Abraham, icaupusai aku. Wenduo keli aku an untep in api anio', anaé ru'du'o si Lazarus tumo'to' in tempok im bua'na ing kamana an dano wo mai rumames in lila'ku.’

Lukas 16:30

Wo isowat i tou siya' itu, ‘Ra'ica awes é amang Abraham. Taan sa awéan tou tumou sumawel am papaté wo mangéna pokéian séra, tantu séra mape'dis oka ang kamesé-meséaan.’

Lukas 2:30

Ampa'paan sinérékuo in esa si Lumolowir ayutusai i Amang Kasuruan.

Lukas 3:8

Wo tioo kamu mawerot ampa'paan kamu taranak i Abraham akar kamu malowir sa, icuaku ai camu, sé watu anio' ro'na émaan i Amang Kasuruan mamuali taranak i Abraham. Aweso taré kamu mengaéma'o mangé pakasa sé loor tanu tuus kamu imape'diso ang kamesé-meséaan!

Roma 4:16

Anaé, en janji i Amang Kasuruan itu, iwéé-Na ampa'paan sé tou maéman ai Sia. Itambér-Na en itu ampa'paan ing kaupusan-Na wosama' pakasa sé taranak i Abraham makéré in janji itu. Wo en janji itu ra'ica toronake' é tou Yahudi sé menonou makiit in ukum Torat, taan ka'i torona im pakasa sé tou maéman a si Amang Kasuruan, meputé si Abraham maéman ai Sia. Ampa'paan in ituo si Abraham mamuali amangta im pakasa é tou maéman.

Galatia 3:14

Si Yesus Kristus pinatéo ang kayu salip wosama' eng kamang i Amang Kasuruan si aijanjio a si Abraham, iwéé a sé pakasa en tou sé maéman icauntep sé tou ra'ica Yahudi. Anaé, sa kita maéman a si Yesus si maté ang kayu salip, kita ro'na tumerima i Roh Le'nas si aijanjio i Amang Kasuruan indior.

Galatia 3:29

Wo sa kamu anu i Kristus, kamu ka'i taranak i Abraham wo teriman oka miow sapa si aijanjio i Amang Kasuruan a si Abraham.

Galatia 3:7

Anaé, kailekan iow sapaoka pakasa en tou maéman a si Amang Kasuruan, séra ituo sé taranak i Abraham.

1 Petrus 2:10

Indior kamu ra'ica tou i Amang Kasuruan, taan intarépé' kamu imamualio tou-Na. Wo indior kamu ra'ipé' itumerima ing kaupusan i Amang Kasuruan taan intarépé' kamu tumerimao ing kaupusan-Na.