Lukas 19:47 - En Taar Weru a nunuwu' é Tontemboan

⁴⁷ Susur in endo si Yesus masusui am Balé Le'nas. Sé kikiiten é imam é tou Yahudi wo sé makailek wutul in Torat wo sé tou pasiri-siriin é tou Yahudi rumaméji maté Sia.

Lukas 19:47 ပူးပေါင်းရင်းမြစ်များ

Matius 21:23

An tutuw i Yesus icateka'o ang kintal im Balé Le'nas wo Sia tumo'tolo sumusui a sé tou, wo mai sé kikiiten é imam wo sé matu'a é tou Yahudi. Wuéien éra, “Maké ing kawasa sapa réén akar ro'na émaan-Mu waya en itu? Si séi réén e iméé ing kawasa itu ai Co?”

Matius 26:55

Wo an tutuw ituke', icua i Yesus a sé tou keli sé mai itumangka' Sia, “Paweroten iow réén Aku anio' tou léwo' akar kamu mai tumangka' Yaku maali-ali in sa'bel wo im papangkur? Susur in endo penéré-nérén iow Aku makalukut masusui am Balé Le'nas, wo ra'ica tinangka' miow Aku.

Markus 11:18

An tutuw é kikiiten é imam wo sé makailek wutul in Torat luminga andumoro' ing kamamualian itu, séra rumaméji maté Sia. Taan icaindé' éra Sia ampa'paan en sususuien-Na iméma' pakasa sé tou mangaya-ngaya'ka'.

Markus 12:12

Kelinga in itu, makala'us kailekan éra sa si Yesus masindir ai séra maké in andéan itu. Ampa'paan in itu raméjin éra in tumangka' Sia. Taan séra maindé' a sé tou keli, siituo iwaya éra Sia wo séra mangé.

Markus 14:1

Rua ngandopé' sé tou Yahudi méma' in endo wangko' Paska wo in endo wangko' Roti Ra'ica Rinagian. Sé kikiiten é imam wo sé makailek wutul in Torat maéré-éré lalan en tumangka' si Yesus ang karapi i maene-enep e maté Sia.

Markus 14:49

Susur in endo penéré-nérén iow Aku masusui am Balé Le'nas, wo ra'ica tinangka' miow Aku. Taan mémang taniitu, wosama' en aipatic ang Kitap Le'nas musti lekepen.”

Lukas 19:48

Taan ra'ica kailekan éra tumambisa e maté si Yesus, ampa'paan pakasa en tou masalé' mengalinga in sususuien-Na.

Lukas 20:19

Kelinga in andéan aicua i Yesus, kailekano é makailek wutul in Torat wo sé kikiiten é imam sapaoka en andéan itu tumuru' iséra. Ampa'paan in ituo asi témpo ituke' raméjin éra in tumangka' Sia, taan caindé' éra sé tou keli.

Yohanes 10:39

Kekawus i Yesus kumua in taniitu, séra rumaméji ka'i en tumangka' Sia, taan Sia aicaséipke' en tangkaan éra.

Yohanes 18:20

Isowat i Yesus ai sia, “Ang karapi ra'ica ipaene-enep ipemaa-maar-Ku a sé tou keli ang kayo'baan. Wo ipenusu-nusui-Ku am balé-walé paapo'an é agama Yahudi wo am Balé Le'nas, am pali'usan é tou Yahudi. Ra'ica wana en ayenep-Ku.

Yohanes 7:19

Ra'ica réén aiwééo i Musa en ukum Torat ai camu? Taan ra'ica wana mandé esake' asé icamu sé mengaéma' in ukum Torat itu. Kéitu réén kamu rumaméji e maté Yaku?”

Yohanes 7:44

Piraan tou ai séra masalé' tumangka' Sia, taan ra'ica wana mandé esaan tou ka'i e ro'na méma' in sapa-sapa ai Sia.