Lukas 19:28 - En Taar Weru a nunuwu' é Tontemboan

²⁸ Kekawus i Yesus sumisil in andéan itu, Sia lumala'us im bawayaan maangé an Yerusalem. Sia maya' rumior asé murit-Na.

Lukas 19:28 ပူးပေါင်းရင်းမြစ်များ

Lukas 10:30

Wo isowat i Yesus maké in andéan, “Awéan esa tou tuama Yahudi an Yerusalem wo mio' an Yerikho. An uner in lalan, sia meta'up wo sé perampok. Wo sia pangkuren é perampok akar i misio maté wo andéten éra waya em paali-alinna wo itela'u éra sia an lalan itu.

Lukas 12:50

Sangkumen-Ku oka eng kawenduan uter akar Aku maté wo Aku ra'- ica makaaté in sama' sa en itu ra'ipé' mamuali.

Lukas 18:31

Li'usen i Yesus sé sangapulu' rua murit-Na wo icua-Na ai séra: “Intarépé' kita maangé an Yerusalem wo pakasa sé aipatic é nabi andumoro' si Toyaang i Tou, mamuali oka a Yaku a mangé mbitu.

Lukas 9:51

An tutuw matawio in oras i Yesus icaangkai an sorga, pinusé'-Nao sapaoka Sia maangé an Yerusalem.

Yohanes 18:11

Taan icua i Yesus a si Petrus, “Iwaléo mio' sumawel en sa'belmu itu. Aitantuo i Amang-Ku wosama' sangkumen-Ku eng kawenduan. Tioo pakala-kalaanmu Aku mendam ing kawenduan itu.”

Ibrani 12:2

Am papekowaan anio', mayoo kiitenta ang karapi im beren si asalo makatéinteng angé a si Yesus, ampa'paan Siao si maakin im paémanenta a si Amang Kasuruan wo si makawali im paémanenta makaleke-lekep. Sia talesen pengaokoien akar maté ang kayu salip, ra'ica pandungen-Na em pengaroros ampa'paan kailekan-Na sapaoka makasangkum ako im pakasa in itu awéan kaaruian si aitu'tulo ai Sia. Intarépé' Sia makalukut ang kakan im palukutan pasiri-siriin i Amang Kasuruan.

1 Petrus 4:1

Ampa'paan si Yesus Kristus imendamo ing kawenduan an owak-Na, kamu ka'i musti kumeter in até miow wosama' kamu mawerot meputé im pakawerot i Kristus. Ampa'paan si tou imendamo ing kawenduan an owakna, tantu sia ra'io kiim ka'i méma' ing kamesé-meséaan.