Lukas 18:43 - En Taar Weru a nunuwu' é Tontemboan

⁴³ Asi témpo ituke', si tou wola itu makala'uso maséré wo kumiit si Yesus ang karapi i marayo-rayo si Amang Kasuruan. Pakasa sé tou isuméré ing kinamamualian itu marayo-rayo ka'i si Amang Kasuruan.

Lukas 18:43 ပူးပေါင်းရင်းမြစ်များ

Matius 11:5

Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.

Matius 21:14

Kumawus in itu, sé tou wola wo sé tou kénto' mai ai Sia ang kintal im Balé Le'nas, wo séra sinama'-Na.

Matius 9:8

Keséré in itu, sé tou keli maindé' wo rumayo si Amang Kasuruan si méé ing kawasa wangko' a sé tou.

Lukas 13:17

En aisowat i Yesus itu, iméma' sé kaséké'-Na wutu-wutul malawi' taan sé tou walina masalé-salé' isuméré pakasa sé kakaya'kaan niéma' i Yesus.

Lukas 19:37

An tutuw Sia matawio in Yerusalem, an lalan maperos in Tolaina in Zaitun, pakasa é tou sé makiit Sia tumo'tolo maaru-arui wo marayo-rayo si Amang Kasuruan in suara taangko' ampa'paan pakasa eng kakaya'kaan sé sinéréo éra.

Lukas 4:39

Wo si Yesus mangé tumulung an duru i wéwéné itu wo yusér-Na en sakit paso' i inang émpo i Simon wo masama'. Si wéwéné itu makala'us tumoor wo selewiranna séra.

Lukas 5:26

Keséré éra sapa e imamuali, pakasa sé tou am bitu mangaya-ngaya'ka' wo séra rumayo wo sumiri' si Amang Kasuruan. Wo ang karapi in indé' séra kumua, “Asi endo anio' sinéréo ami eng kakaya'kaan wangko' imamuali.”

Kisah Para Rasul 11:18

Kelinga in itu, sé tou Yahudi sé maémano a si Yesus ra'io ka'i tumantang si Petrus. Wo séra rumayo si Amang Kasuruan wo kumua, “Anaé, sé tou ra'ica Yahudi ka'i tinambérano mai i Amang Kasuruan kamang e mape'dis wo makéré ing katouan akar ing kauré-uré.”

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

Kisah Para Rasul 4:21

Kelinga in itu, sé tou an sidang itu makarepetke' taré mangindé' si Petrus wo si Yohanes. Taan iwekar éra sé rua ruru'du'an itu ampa'paan ra'ica kailekan éra sapa en ukuman iwéé ai séra wo ka'i maindé' a sé tou keli am bitu sé marayo-rayo si Amang Kasuruan ampa'paan si tou késo' si masama'o itu.

Galatia 1:24

Ampa'paan sapa e niéma' i Amang Kasuruan a yaku, séra rumayo wo sumiri' Sia.

1 Petrus 2:9

Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.