Lukas 18:32 - En Taar Weru a nunuwu' é Tontemboan

³² Ampa'paan Sia isarakan oka a sé bangsa ra'ica Yahudi wo para'i-ra'ien éra, ipawawa-wawa' wo ruraan éra.

Lukas 18:32 ပူးပေါင်းရင်းမြစ်များ

Matius 16:21

Tumo'tolai asi témpo itu, ipengua-ngua i Yesus a sé murit-Na sapaoka Sia musti maangé an Yerusalem, wo mamuléng oka ing keli kawenduan asé matu-matu'a é tou Yahudi, sé kikiiten é imam, sé makailek wutul in Torat owo, wo patén éra taan a si endo katelu Sia tumou sumawel.

Matius 20:19

Isarakan éra oka Sia a sé bangsa ra'- ica Yahudi wosama' Sia para'i-ra'ien, samboken wo isalip éra. Taan asi endo katelu Sia touen oka sumawel.”

Matius 22:6

Sé walina ka'i tumangka'ke' sé ata itu, okoien éra wo patén éra.

Matius 26:67

Wo ruraan éra en amo-Na wo rukin éra. Taniitu ka'i sé tou walina sumepé' Sia.

Matius 27:2

Wa'kesen éra Sia wo iwali éra mangé en isarakan a si Pilatus, si gubernur am bitu.

Markus 14:65

Wo tumo'tolo paruraan éra Sia. Tutuwan éra ing kaéng en amo-Na wo rukin éra Sia, wo mamuéi, “Éi Nabi! Icua-Mu mai é, séi si rumuki Ico?” Kumawus in itu Sia sepéén é pengawal-pengawal.

Markus 15:1

Mamoondopé' keli, sé kikiiten é imam, sé anggota Mahkamah Agama wo sé makailek wutul in Torat wo sé matu'a é tou Yahudi mali'us mepaar e maté si Yesus. Kekawus in itu mangé wa'kesen éra Sia wo iwali éra mangé en isarakan a si Pilatus.

Lukas 18:33

Sia okoien oka wo patén éra. Taan asi endo katelu Sia touen oka sumawel.”

Lukas 23:1

Wo pakasa é tou sé kumiit in sidang itu tumulung wo iwali éra mangé si Yesus saru a si gubernur Pilatus.

Lukas 23:11

Wo tumo'tolo si Yesus paséro' wo para'i-ra'ien i Herodes wo sé surarona, karaian éra Sia in juba tanu im papakén é kolano. Wo iwali éra mangé sumawel Sia a si gubernur Pilatus.

Lukas 23:35

Keli sé tou makatulung am bitu wo sinéré éra waya sapa sé imamuali. Ang karoro'an in itu, sé kikiiten é tou Yahudi maséro' Sia, icua éra: “Sé tou walina ro'na lowiren-Na, intarépé', sa Sia wutu-wutul Mesias, Tou sinisir i Amang Kasuruan, mandéo Sia lumowir in owak-Na in esa.”

Yohanes 18:22

Kekawus i Yesus icumua in taniitu, awéan si esa tou matéir im Balé Le'nas makatulung am bitu sumepé' in amo i Yesus. Icuana, “Taniitu réén em ipakasowat-Mu a si imam wangko'?”

Yohanes 18:28

Asi Woondona mai imamoondopé' keli, iwali éra si Yesus am balé owo i Kayafas, wo mangé an istana i gubernur Romawi. Taan sé kikiiten é tou Yahudi itu ra'ica mekiit muntep an untep in istana itu ampa'paan paweroten é tou Yahudi najis em balé é tou ra'ica Yahudi. Ra'ica kiim éra numajis in owak éra, ampa'paan asi endo itu séra musti kuman ing kakanen Paska.

Yohanes 18:30

Isowat éra ai sia, “Sa Sia ra'ica tou léwo', ra'ica woo isarakan ami Sia a si tuang.”

Yohanes 18:32

Aicua éra in taniitu wosama' lekepen en aicua i Yesus sa tumambisa Sia maté.

Yohanes 18:35

Wo icua i Pilatus, “Tou Yahudi réén aku? Sé tou-Mu in esa wo sé kii-kiiten é imam en sumarakano Ico a yaku. Sapao réén e niéma'-Mu?”

Kisah Para Rasul 2:23

Si Yesus anio' aisarakano i Amang Kasuruan ai camu kiit im basa-Na. Wo Sia aisalip wo pinatéo miow ang karapi in sumarakan Sia a sé tou sé ra'ica makiit in ukum.

Kisah Para Rasul 3:13

Si Amang Kasuruan si pengaapo'an é apo-apo'ta Abraham, Ishak wo si Yakub, Siao e méma' si Yesus ata-Na itu iparayo-rayo wo pasiri-siriin. Si Yesus ituo si aisarakan iow wo aicélong iow an dior i Pilatus em patén, mandé ka'i si Pilatus e musé'o e mekar woo Sia.