Lukas 18:14 - En Taar Weru a nunuwu' é Tontemboan

¹⁴ Icua-Ku ai camu: An tutuw si tou matagi im pajak itu maréng am baléna, sia si nianggap wutul i Amang Kasuruan, taan si tou ang golongan Farisi itu ra'ica. Ampa'paan si séi e mengarangka' in owak, sia iwawa' oka. Wo si séike' e mengawawa' in owak, sia iparangka-rangka' oka.”

Lukas 18:14 ပူးပေါင်းရင်းမြစ်များ

Matius 23:12

Si séi e mengarangka' in owak, sia iwawa' oka. Taan si séike' e mengawawa' in owak, sia iparangka-rangka' oka.”

Matius 5:3

“Pakakamangen sé tou lengéi an dior i Amang Kasuruan, ampa'paan sérao e makaanu ing Kakolanoan in Sorga.

Lukas 1:52

Émaan-Na sé tou makatimboi ing kawasa ra'io ka'i makakawasa, wo sé tou wawa' irangka'-Na oka.

Lukas 10:29

Taan si guru agama é Yahudi itu masalé' mapaturu-turu' sapaoka en owakna em butul, anaé sia mamuéi ka'i a si Yesus, “Si séi réén sé kakéléku itu?”

Lukas 14:11

Ampa'paan, si séike' mengarangka' in owak, sia iwawa' oka wo si séike' e mengawawa' in owakna, sia iparangka-rangka' oka.”

Lukas 16:15

Wo icua i Yesus ai séra, “Kamu mapaturu-turu' kéndo' a sé tou walina sapaoka kamu mengaéma' im butul, taan en até léwo' miow kailekan i Amang Kasuruan. Ampa'paan sapa em paanggapen é tou awéan wééna, nianggap i Amang Kasuruan wutu-wutul ra'ica wana wééna.

Roma 3:20

Ampa'paan ra'ica wana tou mandé esake' sé nianggap wutul an dior i Amang Kasuruan ampa'paan mengaéma' in ukum Torat. Taan, ampa'paano taré in ukum Torat ituo sé tou makailek ing kamesé-meséaan.

Roma 4:5

Taan ubungan é tou wo si Amang Kasuruan ra'ica tanu siitu, sé tou émaan-Na wutul an dior-Na ra'ica ampa'paan in tawoien éra in esa taan ampa'paan im paémanen éra a si Amang Kasuruan si mengaampung sé tou mengaéma' ing kamesé-meséaan.

Roma 5:1

Intarépé' kita nianggapo wutul i Amang Kasuruan ampa'paan im paémanenta. Wo kita meelurano sumawel wo si Amang Kasuruan ampa'paano i Apo'ta Yesus Kristus.

Roma 8:33

Si séi réén e ro'na méé séa' a sé tou sinisiro i Amang Kasuruan? Sé tou sinisir-Na nianggap-Na wutul, ra'ica wana e ro'na mukum séra?

Galatia 2:16

Taan, kailekan ami ra'ica wana tou mandé esake' si nianggap wutul an dior-Na ampa'paan mengaéma' in ukum Torat. Sé tou nianggap wutul an dior-Na ampa'paan maéman a si Yesus Kristus. Anaé, kami in tou Yahudi ka'i maémano a si Yesus Kristus wosama' kami nianggap wutul an dior i Amang Kasuruan ampa'paan im paémanen, ra'ica ampa'paan i mengaéma' in ukum Torat. Ampa'paan ra'ica wana tou mandé esake' si nianggap wutul i Amang Kasuruan ampa'paan mengaéma' in ukum Torat.

Yakobus 4:10

Ko'koso mio' en owakmu an dior i Casuruan wo irangka'-Na oka kamu.

Yakobus 4:6

Taan en upus aitambér i Amang Kasuruan ai cita, lébé wangko' mai wo in itu. Ampa'paano in itu aipatic ang Kitap Le'nas tana'i, “Sunduren i Amang Kasuruan sé tou tirayo, taan turu'-Na eng kaupusan a sé tou ko'kos en até.”